عمرك حسيت يوم انك محتاج لكلمة

كلمة شكر كلمة اسف كلمة امل كلمة مواساة

اي كلمة اكيد احتاجتها مرة في حياتك

كلمة لو كنت سمعتها كنت اتغيرت

كنت قدرت تغير حياة انسان بكلمة

كنت رجعت الحياة لقلب ياما انجرح

قريت مقالة عن كدة

لكن عمري ما حسيت ان الكلام دة ليه معنى

معنى عميق

لان كلمة كنت قولتها كان عمرى ما جرحت ولا قلب حبني او خاف عليا


لكن

عمرك لقيت نفسك في كلمة

تقدر توصف نفسك في كلمة

غامض

وسيم

خائن

صادق

كذاب

بارد

تقدر توصف نفسك

حتى لو وصفت نفسك

هتوصفها زي ما انت شايف نفسك

انا شايف نفسي صريح وواضح جدا

لكن الناس شايفاني غامض

انا شايف واحد اناني

هوا شايف نفسه معطاء و كريم

قليل لما بيبقى شعورنا بنفسنا صح

لكن هيا كلمة بتوصفنا

كلمة واحدة بتجمعنا

كلمة واحدة بتفرقنا

كلمة هيا انت

كلمة لو قولتها

كنت عشت مع صحابك

كنت لقيت نفسك جوة روحك

مكنتش بقيت زي اللعبة في ايد اي حد