السلام عليكم ورحمة الله وبركاته

اخواتى واخوانى النجعاويه ماترددتش للحظه انى اعرض مشكلتى عليكوا لانكوا بجد عيلتى

انا زى مانجعاويه كتير عارفين باذن الله قريبا هاكون زوجه وليا بيت الحمد لله وقبل ماتتوقعوا فا انا مشكلتى

مش مع زوجى الحمد لله

انا مشكلتى ان زى مابيحصل فى كل الجوازات شويه خلافات بين الاهل بين اهلى واهل زوجى ودول عايزين

كلامهم يمشى ودول بيعندوا ودول بيتدخلوا فى اللى مالهمش فيه ودول بيقولوا اشمعنى

المهم الحمد لله انا وزوجى قدرنا نفصل نفسنا عن المشاكل دى وانها ماتخلقش مشاكل بينى وبينه

وبنصبر نفسنا بان المشاكل دى هاتنتهى بمجرد دخولنا بيتنا وان بعد الزواج الاهل مش هايتعاملوا مع بعض

عشان يحصل مشاكل بينهم واحنا هايبقى بيتنا مقفول على اسرارنا وحياتنا فبالتالى مش ايتدخلوا فى

حياتنا . انا دلوقتى خايفه اوى يكون ده اوهام لاننا مش هانقاطعهم طبعا وهانتعامل معاهم وخايفه انهم

هما اللى نكدوا علينا حياتنا لان اى خلاف بينى وبين زوجى بفضل الله بيتحل وبينتهى يعنى انا مش خايفه

خالص منه هو انا خايفه ان اهلنا هما اللى يتعبونا وياثروا علينا رغم اننا متفقين اننا مش هاندخل حد فى

حياتنا نهائى عشان مانديش فرصه لحد يعمل مشاكل.يارب اكون قدرت اطرح المشكله ويارب تساعدونى

لانى قلقانه اوى