ياقلبى ريحنى وعيش زى البشر

بروح وراك وتجرحنى وتعتب ع القدر

تعشمنى ونتمنى ونعيش ونستنى

هو مين ياقلبى فى الحب اتهنى

قلبى يا بين حضنى من الحب ايه نابك

حبيت للحب والحب ضيع شبابك

اخد منك اجمل ايام حياتك وعيشك فى خوف

سابلك ذكرى وألم وندم خلاك فيلسوف

بنكتب عن الحب ونوصف فى الاحساس

بنبيع لحظات عشق تحسدنا عليها الناس

وانا وانت بس اللى بنعرف الحقيقه

ياقلبى احنا بس اللى جربنا الحريقه

هو انت كنت امتى نسيت الماضى

كنت بتعذب وانت بتموت قصادى

كنت بموت فى اليوم الف مره

نسيت الحب اللى خلا ايامك مره؟

ولو كنت عايز تسعدنى فكر

فكر مليون مره قبل ما تفقدنى

يا قلبى خليك معايا واسمعنى

وان كان هياخدك منى الحب روح

روح بس بلاش تودعنى

ودعت اغلى الناس عليا

والنوم ودعتوا وجفا عينيا

وكرهت كل الوداع

روح يا قلبى من بين ضلوعى

روح وسيبنى الملم دموعى

وهدعيلك يارب تعيش متنهى

بس يكون بيحبك اكتر منى