بسم الله الرحمن الرحيم


السلام عليكم ورحمة الله وبركاته،،،،







في موضه الواحد بيلاقيها في المنتديات العربية كتير



ممكن نسميها "حب النكد"


يعني تلاقي


واحد حاطط صورة وكاتب عليها


(الحزن مالي العين)


والتوقيع كاتب


(حرام اللي بيحصلي ده)


واحد تاني او واحدة


تحط صورة تقطع القلب


وكام توقيع ماركة أمينة رزق


عن الوحدة والعزاب والفراق والألم والصدمة


توقيع تاني مكتوب فيه


(اتحكم عليا بالإعدام اول ما جيت الدنيا)


!!!!!


وكأننا مالناش شغلة غير ان احنا ننكد علي نفسنا وعلي غيرنا


للدرجة دي الحالة النفسية والمعنوية في الحضيض


ولو كانت في الحضيض


هل نفسية محب النكد


قابلة انه يدور ويبحث ويقلب ويظبط الصورة والتوقيع اللي يغموا بلد


ومش قابلة انه مايسيبش الحزن يسيطر عليه!!


هل لو هو حزين بالشكل الرهيب ده


كان قدر يظبط ملفه الشخصي بالطريقة دي!!


كدة هتتحول المسألة لمسألة لفت انظار مش مجرد حالة كآبة بيمر بيها


بشكل عام


اللي يخللي واحد يعمل البدع علشان يعرف كل اللي في المنتدي


ان حالته سيئة جداً


كان يقدر انه ببساطة يتفكر في نعم ربنا عليه


اللي لو ركز فيها بنسبة 10% من تظبيط صورته وتوقيعه الحزايني


هيلاقي انه احسن من ناس كتير والحمد لله


علي الأقل انت بتشوف


غيرك لأ


انت بتسمع


غيرك لأ


انت قاعد في بيت


غيرك لأ


معاك نعم جميلة


ممكن ماتكونش مع غيرك


ابسط مثال


عندك كمبيوتر


غيرك لأ


او قادر تقعد علي سيبر


انما غيرك ثمن ساعة السيبر ممكن تأكله يومين


فضفض مع واحد تأتمنه يمكن يقدر تحل مشكلتك ولو بالكلام


وحط في اعتبارك ان اخر حاجة ممكن تحل بيها اذمتك


-ده لو بتمر بأذمة فعلاً-


المجاهرة بأذمتك


الي محبي النكد في المنتديات العربية /scenic


بص للنعم اللي ربنا مديهالك


قبل ما تنكد علي نفسك وتنكد علينا الله يرضي عليك .