بســــم اللـــــــه الرحمـــــــن الرحيــــــم
اخدت الاجازة والوقت فاضى معايا وكل ما احاول اقرب من ربنا احس ان فى حاجة بترجعنى ، ونفسى بجد اقرب من ربنا مش عارف اعمل اية ؟؟.


اعتقد السؤال ده كلنا بنسأاله او اغلبنا وانا من اللى بيسألوة0
اخدت الاجازة طب نويت على ايه يا ترى هتغتنمها ولا هتضيع منك؟؟؟؟ يا ترى كنت كويس الاجازة اللى فاتت واستغلتها فعلا؟؟؟؟ ونفسك الاجازة دى تبقى احسن؟؟؟
بلاش نقول الاجازة اللى فاتت 000 خلينا فى دلوقتى
احنا فيها اهه


يا ترى حفظت قران فى الاجازة دى ؟؟؟؟؟ او قربت من ربنا؟؟؟؟؟ او وصلت قريب ليك مكنتش واصله قبل كده؟؟؟؟؟ او عملت خير او صليت قيام ليل ولو ركعتين حتى؟؟؟ طب زودت ذكر ربنا خصوصا انك دوقتى فاضى مع ان الذكر مش محتاج وقت ولا حاجه؟؟؟؟ طب بتستفاد حاجه من النت او بتسمع او تتفرج على حاجه تنفعك ؟؟؟ ولا كله نظام ادينا بنضيع وقت؟؟؟ او اشتركت فى اى جماعه كويسه؟؟؟ او حتى لعبت رياضه او اتعلمت حاجه تفيدك؟؟؟
ولا يومك بيعدى وخلاص واهه كل يوم زى اللى قبله وكل اللى بتعمله انك بتنام وبتقعد ع النت000؟؟؟؟؟
طب لو انت كده يا ترى فعلا راضى عن نفسك كده؟؟؟؟ ولا عاوز تتغير0000؟؟؟؟؟



هكلمكو بصراحه يا جماعه انا اهه اخدت الاجازة من حوالىاسبوع او اكتر وانهارده جيت افكر كده هوة انا بستفاد ايه من الاجازة ملقتش رد دايما نرتب للجازة ونقول هنعمل ونسوى ونجى فى الاخر منعمل حاجه طب ليه ؟
اعتقد ان السبب اننا من الاول مش بنظم وقتنا ونعمل خطه للجازة دى ونقول باذن الله هطلع من الاجازة دى وعملت كذا وكذا وكذا وغير كده انا عندى مشكله كبيرة نفسى بجد اتخلص منها باى شكل انا مدمنننننننننه اغانى بشكل مش طبيعى نفسى ابطل وكل ما احوال مبقدرش والاقينى اقول طب هيه اغنيه واحده وهقفل علطول وبعد كده الاقينى من اول ما بصصحى من النوم لحد ما انام بسمع اغانى متواصل وانا بعمل اى حاجه حتى لما كنت فى دراسه وانا بزاكر ده اساسى عندى الاغانى طول اليوم شغاله وحتى لما اقفلها تشتغل فى ودانى 000



واكتر سؤال جه على بالى ان سبحان الله ربنا خلقنا عشان نعبده -وما خلقت االجن والانس الا ليعبدون-
وتلاقينا اغلب يومنا فى صالح الدنيا والقليل للاخرة ان كان مفيش اى حاجه من يومنا للاخرة
ده طبعا اغلب حال الشباب الا من رحم ربى
يعنى لو بصيت لاولوياتك كده يا ترى ربنا هيبقى رقم كام فى حياتك؟؟؟؟

طب هل انت فعلا عندك نيه صادقه انك تتغير وتبقى احسن وتستغل الاجازة دى ؟؟؟؟
طب عاوز تقرب لربنا بس بتحس انك مش عارف ؟؟؟ بتقول ان الشيطان شاطر؟؟؟؟
دايما بتاجل اللى بتنوى تعمله وتقول بكرة بقى من اول اليوم او السبت عشان اول الاسبوع او من اول الشهر بقى؟؟؟؟

بس خلاص يعنى نويت ونفسك تقرب من ربنا بجد



طب احنا سألنا
:فضيلة الشيخ د،عادل مبارك المطيرات
وكان رده كده-


1- اللجوء إلى الله بقلب صادق وبتضرع وبكاء وتسأله أن يرزقك قلبا خاشعا وإيمانا صادقا وأن يبعدك عن المعاصي صغيرها وكبيرها 0

2- أن تعلم أنك ما خلقت إلا لطاعة الله سبحانه فلا تشغل نفسك بغير طاعة الله 0

3- أن لا تلهيك شواغل الدنيا عن الآخرة ، فلا تكثر من اللهو وتضييع الوقت بما لا ينفع
0
4- عليك بالحرص على بر والديك فإنه من أنفع الأمور لصلاح القلب ولكن أكثر الناس لا يعلمون
!
5-أحسن الظن بربك بأنه سيوفقك ويخلصك من القلق والهم والغم فإنه يقول سبحانه في الحديث القدسي
( أنا عند ظن عبدي بي ، إن ظن خيرا فله وإن ظن شرا فله )
.
6- لا تترك الطاعات أبدا وخصوصا الصلاة في وقتها حتى لو سيطرت عليك الهموم والقلق ، فإن الصلاة تنهى عن الفحشاء والمنكر بشرط أن تحاول أن تؤديها بخشوع وإحسان
0
7- أكثر ما استطعت من الصيام فإنه مهم لدفع الهم واستجلاب الراحة النفسية
0

اجاب على هذا السؤال:فضيلة الشيخ د،عادل مبارك المطيرات


واسال الله ان يجعلنا ممن يسمعون القول فيتبعون احسنه وارجو المعذرة لانى طولت عليكو
وبس كده سلام عليكم