بحبك مهما تقسي عليا
وفوق دماغي تديني


بحبك وانتي مش حاسة بيا
وعنك ليه بتبعديني


بحبك ومهما ابعد عنك
ليكي يرجعني حنيني


بحبك ومعاكي انا بتعذب
وانتي مصممة تجرحيني


بحبك يا غالية عليا
واعز عندي من عيني


بحبك ومحبتش غيرك
ليه مش عايزة تصدقيني


بحبك ولو بعدت عنك
برجع اما اسمع صوتك يناديني


بحبك ومتاكد انك بتكابري
بس بتحبيني


وعارف ان هما السبب
مش انتي اللي غاوية تعذبيني


ولو يسيبوكي لحد غيرهم
قوام هتجري عليا تريحيني


وعارف انه هيجي اليوم
اللي في حضنك هتاخديني[color]

[/color=purple]وتضميني بكل قوة
وكل جرح تنسيني


دة طبعك مش غريبة عليكي
يا حب حياتي وسنيني

بحبك يا ام الدنيا
يا بلد السيدة والحسيني


بحبك يا مصر يا غالية عليا
يا ضي ونور ونيني عيني