أنا زهقانة
يا جماعة أنا زهقانة م الدنيا مش فرحانة
كل الظروف حوليا بتبكي دمع عنيه

مبقتش قادرة أتحمل خلصت دمع عنيه
كل أما أحاول اضحك تضحك عليه الدنيا

يا دنيا حني عليه أنا عايزة بس الفرحة
وكفاية جرحك فيه دانا قلبي شايل منك

يا جماعة حد يقولى ازاى أصالح زمني
كل الخصام دا ما بنا عشان بتجرح فيا

وخلاص تعبت قاسيه نفسي افرح شويا
مش عايزة غير الضحكة ترسم في عيني البسمة

مين السبب في عذابي أيامي ولا حياتي
مين السبب في آلامي أصحابي ولا أحبابي

قو لولى لو غلطانة أعيش معاكوا ازاى
قو لولى أنا غلطانة وغلط ليه وفي إيه

يا جماعة دانا زهقانة م الدنيا مش فرحانة
كل الظروف حوليا بتبكي دمع عنيه

احترت أراضي في مين بدي ومش راضين
بعمل حساب لناس بمسح دموع أحباب

لاكن كفاية خلاص تعبت م الإخلاص
كل الصحاب خاينين عايرني ابكي كتير

وحاولت اعمل زيهم رجعت رافضة كدبهم
حاولت أغير قلبهم لقيت ضياع في عمرهم

فكرت أنى أضمهم لقيت في شوك في حضنهم
لو عشت عمر فوق عمري عمري ماهقدر أتحمل

طب هعمل إيه فيك يا زمن وازى هندفع التمن
تمن الحياة من دمعنا تمن السكات من جرحنا

لو راحتك يا دنيا عذابي انا هكتم فى آهاتى
انا هسكت وهتألم لكن عمرى ما هتكلم

منقول