بسم الله الرحمن الرحيم


هاتى لى ودنك يا بنت يا بمباوية /mr47 اما اقولك على حاجة انتى وهى وتعالى اسمعى الكلام اللى هقوله لك ده ..
ياختى مهما عملتى فى نفسك ايه عمرك ماهتعجبى الراجل امال ايه ماهم أصلهم صنف نمرود ..

يعنى مثلا لو انتى جيتى فى مرة وفكرتى تعملى رجيم يبقى علطول فى نظر البيه معصعصة والنعمة مش باينة عليكى وتبصى تلاقيه ذوقه انقلب وبقى يعجبه الحريم المربرب ,أما لو انتى سبتى النعمة تبان عليكى فتبقى فى نظره اااااااااااااد الفيل .

ولو جيتى اقتصدتى فى مصروف البيت شوية يقول عليكى بخيلة ومنشفاها عليه ,اما لو فتحتيها على الرابع يقول دى مستبيعة ومش خايفة على فلوسى.




ولو يا حبيبتيي فى يوم حاولتى يعنى تغيرى من رتابة اليوم وتتكلمى معاه وتتناقشى /scenicهيقول عليكى علطول دى غاوية خناق ونكد ومش حاسة بيا انا راجع مهدود وهي معندهاش دم ,واذا لميتى الدور هيقول دى معيشانى فى ملل ومفيش جديد فى البيت .

ولو كنتم زعلانين وفكرتى تعملى فى نفسك(نيو لوك)وعملتى شعرك من نفسك عند الكوافير(موزمبليه) هيقول مين اللي جاب الخروف دة هنا و دى اكيد عايزة منى حاجة وبتجر رجلى لحاجة معينة :to2to2: , ولو سبتيه ومعبرتيهوش وتقلتى عليه شويه هيقول عليكى دى ما صدقت اننا اتخانقنا وحاسس اني متجوز واحد صاحبي دي خلقة دي يا ناس .

شوفى يا بمباوية يا حبيتي يا غلبانة انتي يا مكسورة الجناح يا طيبة يا حنينة انتى وهى مهما عملتوا مع الرجالة عمره ماهيطمر فيهم عشان كده بنصحك انتى وهى ياختى اننا نرفع شعار /scenic(لا حياة مع الناشفين ولا ناشفين مع الحياة) _ معلش يا مصطفى يا كامل عديها بقى _ ضد الرجالة المتوحشين دول لحسن احنا والله كلنا غلابة وملناش ضهر

وفى أخر كلامى أحب أقول لكم مثل شعبى مصرى بلدي حارتي قهوجي حريتي كريستي (يا مأمنة للرجال يا مأمنة للقرد ولشمبانزي والحوت والفيل وكل الحيوانات في السنغال)

منقول بتصرف