[size=11pt]السلام عليكم
هقول لكمـ على حاجة يا نجعاوية
انا اترددت كتير جدا قبل ما اكتب الموضوع ده
لكن الموضوع بجد محتاج مناقشه

عشان أفهمكم الموضوع هحكى لكمـ حكاية سعيد وسعيدة


الحكايه دى مثال لمئات البيوت المصريه
المشهد الاول سعيد وسعيده فى البيت
الساعه 7 صباحا
فى غرفه متر ونص فى متر ونص كان سعيد نايم فى تاسع نومه

سعيده مدرسه رياضيات وسعيد مدرس عربى فى نفس المدرسه
سعيده صحيت من بدرى عشان تصحى اولادها التلاته حازم فى كى جى 2 وزياد فى 2 ابتدائى وعمرو فى 5 ابتدائى عشان يروحوا المدرسه وصحيت قبليهم بساعه عشان تعملهم السندوتشات وتحضر الفطار وبعد ما خلصت كل ده صحت سعيد
قام سعيد حلق دقنه وخد دش على ما سعيده تحط الفطار ع السفرة طلع سعيد خد فطارة وقرا جرانينه وشرب قهوته زى الباشا
ونزل الشغل هوة وسعيده
سعيد وسعيده خلصوا الشغل وروحوا مع بعض وبدا الحوار بينهم فى الاتوبيس بالشكل ده
المشهد التانى - سعيد وسعيده فى الاتوبيس
سعيده -مين اللى عليه الدور انهرده يجيب حازم من الحضانه
سعيد -انتى يا هانم
سعيده - حاضر
سعيد- هناكل ايه انهرده
سعيده - لما اروح هشوف
سعيد -لما تروحى 000 اه دا على اساس انى مش منحور طول اليوم فى الشغل عشانك وعشان عيالك وارجع ما الاقيش لقمه اسند بيها طولى
سعيده- يعننى اعملك ايه مانا بشتغل زيى زيك
سعيد - خلاص يا ماما يلا انزلى هاتى العيل من الزفت الحضانه
سعيده- امرى لله

وصلوا البيت الحمد لله

سعيد راح يريح جسمه شويه عشان خلص مسئولياته ماهو خلص شغله الدور والباقى على المسكينه سعيده
سعيده من ساعه ما دخلت من باب الشقه وهيه بقت عامله زى النحله جريت تعمل الاكل عشان الباشا ما يصوتشى ويتهمها بالتقصير فى حقه ومع ذلك كل شويه بلا مبرر سعيد يصوت ويقلها يلا يا سعيده مش هناكل بقى ولا ايه فى سنتنا دى

المشهد الثالث- سعيد وسعيده على السفرة
سعيد وسعيدة و3 عيال بياكلو
سعيد - اوف ايه ده الملوخيه دلعه
وايه ده بقى الرز مش مستوى ده بيقرمش

يعنى اروح اكل عند امى احسن
يا ريتنى ما اتجوزت كان يوم اسود انا كان ايه ناقصنى مانا كنت عازب ومبسوط

سعيده - حسبى الله ونعم الوكيل
سعيد - بتبرطمى بتقولى ايه
سعيده - ابدا بكح
سعيد - الف سلامه يختى

حازم - اوووووووووووووووووواء ماما ااااااااااااا
عمرو خد اللحمه بتاعتى

سعيده - كخ يا عمرو كخ كخ كخخخخخخخخخخخخخخخ

سعيد موراهوش حاجه لكن سعيده لسه وراها تتابع واجبات العيال وتفهمهم اللى مش عارفين يفهموة ومصيبه سودا لو حد من العيال عنده امتحان رباضه0
سعيد اخر النهار بينزل القهوة لكن سعيده بقعد تشوف مشاكل العيال ومزاكرتهم وطبعا المواعيين اللى مبتخلصشى وترويق البيت 0
على الساعه 9 بليل بتكون سعيده اوشكت على الاغماء لكن سعيد لسه بصحته ماهو ما شفشى اللى شافته0 فالمسكينه بتنام عشان بتكون تعبت ويا ريت البعيد بيشكر الا تلاقيه بيقولها انتى هتنامى العشا هوة اى شغل الفراخ ده 000 بردو مش عاجب مهما عملت مش عاجب
سعيد - ايه ده ريحتك توم دى حاجه بقت تقرف دى مبقتشى عيشه000 وكل يوم من دةةةةةةةةةةةةةةةةةةةةةة
سعيده بتشتغل برة زى سعيد مع الفرق ان سعيده جوة بيتها خدامه ومربيه وطباخه ومدرسه لعيالها ودادا وزوجه

وبكده يوم سعيد وسعيده يكون خلص طبعا فى ناس هترد تقولى انتى متعصبه للستات والحكايه مش واقعيه هقلك بلاش الحكايه تماما انساها
لكن بجد يا جماعه احنا ليه دايما ظالمين الست ومحملنها فوق طاقتها
ليه طالبين منها تبقى موظفه الصبح وخدامه ومربيه اطفال ودادا وطباخه وزوجه اخر النهار
ليه طالبين منها تبقى برفيكت فى كله
الرسول عليه الصلاه والسلام قال- رفقا بالقوارير-
ووصانا بالنساء
انا مينفعش اعمم واقول ن كل الستات مظلومه والرجاله هيه اللى ظالمه فى بعض البيوت العكس فى ستات مفتريه بردو 0
بس اغلب الرجاله مش مراعيه حقوق زوجاتها تماما واى حاجه فى الدين لصالحهم يزيدو ويعيدو فيها واللى صالح المرأه ينسوة تماما -فى االغالب-
يعنى يعدو يقولو كل يوم قول الله تعالى -الرجال قوامون على النساء-
ماشى مهم قوامون عليهم فى ان ربنا كلفهم يصرفوا عليهم مش يظلموهم
وغير كده الرسول عليه الصلاه والسلام قال فيما معناه ان الزوج عليه انه يوفر لزوجته خادم
لكن بجد فعلا المجتمع الشرقى متحامل على المراه جدا
اولا اعلب البيوت الراجل لا يقدم ادنى مساهمه فى البيت - اغلب البيوت كده-
طب ليه اذا كان الست دوقتى بقت بتشتغل زيها زيه كموظفه
يعنى لازم يشاركها فى البيت والا يبقى اسمه اكبر ظلم فى حق الست
ولو الست اشتكت من كده يقول الراجل بملئ فمه انتى ست البيت وانا مش مسئول اروق البيت انا راجـــــــــل
فما هي الرجولة فى كده؟؟؟؟؟؟؟؟؟؟
الرجوله تعاون ومحبه مش جشع وقسوة
خلاص لو هنتكلم بطريقه الحقوق والواجبات وان كنت لا احبها فالحياه بين الزوج والزوجه ليست بحرب لكى نقول حقوق وواجبات وانما يجب ان تنشا على الحب والتعاون القائم بين الزوجين
ولكن لو تكلمنا بهذه الطريقه
فلو انه ليس من واجبات الزوج ان يساعد فى البيت
فهل من واجبات الزوجه ان تعمل وتشارك فى مصاريف البيت؟؟؟؟؟ بالطبع لاااا
ولكنها مجبرة على هذا فلو الزوج فقط هوة اللى يشتغل مش هيقدر ياكل عياله عيش حاف -فى اغلب الاحيان-
واغلب البيوت المصريه تشارك فيها الزوجه الزوج فى المصاريف اللى حد كبير جدااااااا
نادررررررررررر جداااااااا انك تلاقى زوجه بتاخد مرتبها وتحتفظ ببيه لنفسها وتقول انا مش مسئوله اساهم فى مصاريف البيت -وده حقها -
طب ماهى مصاريف البيت دى مسئوليه الراجل و مع ذلك المراه بتساعده طب ليه هوة بردو ميساعدهاش
وليه نقول عشان الفلوس مش عشان الفلوس بس
المراه عندها قدرات ولازم تستغلها المراه بتتعلم وبتكون مؤهله لانها تشتغل وتنفع المجتمع وتضيف ليه فليه لا
لكن الزوج بيكلفها بانها تكون بيرفكت فى كل حاجه
فلماذا نكلفها بكل هذا
لماذا نكلفها بما لا يطيقه جبل
بلاش هسألكو سؤال تانى
ليه كل الصفات الحلوة من الشجاعه والكرم والشهامه يتقال عليها رجوله ولو البنت جدعه وكويسه يتقال عليها دى بنت بميت رااااااااااجل
كئنها مينفعش تكون جدعه وبنت بردو
كئن الكرم والشجاعه لا تنسبب الا للراجل
لو قلت على بنت دى بميت راجل تبقى بتمدح فيها
لكن لو قلت للراجل انت امرأه تبقى بتشتمه حتى تخيلو ان فى مجتمعات لو قلت للمرأه يا امرأه تبقى بتشتمها 000 تصوروا
يا جماعه والله مش عارفه اقول ايه الكلام مبيخلصشى


بلاش هقلوكوا حاجه تانيه

حاجه تانيه الناس مش قادره تستوعبها , و هى الصراع جوه الراجل المصرى نفسه .

الراجل المصرى المتعلم العادى ممكن يتقبل حاجات كتير أوى بس لحد ما تكون متمسهوش هو شخصياً

يعنى ممكن يصاحب 100 بنت و هما مجرد أصحاب و هو متفهم ده و عارفه كويس و يكون منهم كل الأشكال و الألوان ..

ممكن جداً يقعد فى مكان مع واحده صاحبته بتشرب سجاير و يقوم يحط صباعه فى عين التخين بدعوى الحريه الشخصيه


بس يا ترى لو صحى يوم لقى أخته قاعده فى الصاله بتشرب سجاير

أو راح كافيه لقاها قاعده مع شلة ولاد صحابها

هل حيكون رد فعله هو هو ؟؟؟

ممكن

و ممكن لأ

بس المؤكد إنه حيبقى فى منتهى الإرتباك .. مش عارف يمشى ورا مين ؟

الحاجات اللى إتربى عليها كده0 وده اكبر غلط

طب ليه يا جماعه منغيرش نظرتنا للمرأه ليه مننظرش لها نظره محترمه مش مجرد خدامه للبيت و الاولاد و بعد الضهر طباخه و بالليل جسد يشبع الشهوة

اكيد فى ناس لا تنظر للمرأه بهذا الشكل ولكن المجتمع الشرقى بصفه عامه نظرته للمراه كده


فكرت كتير أكتب عن الموضوع ده بس كل مرة كانت بتمنعنى حاجة ...يمكن احساسى بيه و معايشته فى حياة الناس اللى حواليا هما اللى شجعونى أكتب

أولا : مش عايزة أقول الكلام التقليدى اللى دايما بيقولوه أنصار المساواة أن الست ذى الراجل و مفيش أى فرق بينهم من أى نوع ...لأ فيه فرق و فرق كبير جدًا من نواحى كتير :نفسيًا ,جسمانيًا و اللى بيترتب عليه دور كل واحد فيهم و مكانه ف المجتمع

لحد هنا و جميل أوى ...أمال فين المشكلة ؟؟؟



المشكلة أننا فى مجتمع ذكورى بيفرض على الست التنازل عن بعض (إذا ماكنش كل) حقوقها بحكم العرف و التقاليد و ده مابتكنش جريمة الرجل بس ,هى جريمة مجتمع و المرأة مشتركة فيها - حط تحت كلمه المراه مشتركه فيها ميت خط-
مثال:ده حوار بيدور ف كتير من البيوت المصرية


البنت للأب :أنا نقاصلى كام شهر و حاتخرج و وواحدة صحبتى جيبالى شغلانة ف مجال دراستى و ده بالنسبالى فرصة كويسة ..أنت إيه رأيك ؟؟؟

الأب:أنتى ناقصك حاجة ..ماحنا كويسين و ربنا سترها ليه تشتغلى..عايزة الناس تقول مش عارف أصرف عليكى ؟؟

البنت:لو كان موضوع فلوس ماكنش أتحرق دمى ف الدراسة ..يا بابا أنا عايزة أشتغل عشان أنا حبا كده ...أمال كنت بدرس ليه ؟

الأب :أمال عاوزة تطلعى جاهلة و يقولوا عليا معرفتش أعلمك

البنت : لأ مش قصدى انا قصدى إنى تعبت 4 سنين ف الكلية عشان أكون مؤهلة لعمل مهنى معين مش عشان أفرح أنى مش جهلة

الأب: بصى أنا مش ناقص وجع دماغ ...أعتبرى الموضوع منهى و شليه من دماغك

تخش البنت أودتها بتعيط و والدتها وراها

الأم: يا بنتى استهدى بالله كلها كام شهر و يكتب عليكى ابن عمك و الجواز هينسيكى الكلام ده كله

تسكت البنت و تستسلم للأمر الواقع


القصة واضحة أوى :باين فيها أخطاء الأب الشرقى التقليدى و الأم المغلوب على أمرها و اللى بتعلم البنت تكون زيها و سلبية البنت ف الأخر..و سامحونى أنى دخلت عنصر الخيال ف الحوار (انها لقت شغل بسهولة :) وزى مانتو عارفين انه من رابع المستحيلات

و قياسًا على الموقف ده بيضيع حق البنت يوميًا بداية من أختيار لون لبسها وصولًا إلى القرارت المصيرية

و ده غير كده العنصرية اللى بيعشقها مجتمعنا من تفضيل الولد على البنت بشكل مبالغ فيه و منعها من أبسط حقوقها و الحرية المطلقة لكل الذكور..برجع و أقول أنا مش قصدى المساواة بالمعنى الحرفى لأن فيه قدرات عندنا مش عند الرجل و العكس الصحيح بس يكون فيه عدل و موازنة للأمور و احترام لأدمية المرأه و كينونتها من جانب المجتمع ومن ناحية تانية مايكونش فيه استسلام أو سلبيه من جانب المرأة ف حقوقها *******
وبس كده


عاوزة اعرف رائيكو ايه فى الموضوع ده وكويس ان المنتدى كله بنات





[/size]