كل واحد او واحدة متزوجة غالبا بنسمع عن شكاوى من اهل الطرف الاخر و خاصة الحماة و انا شخصيا ليا تجربتى الخاصة اللى احب مشاركتها معاكم و انتوا كمان شاركونى بتجاربكم عشان يمكن ننوصل فى الاخر لحاجة تفيدنا كلنا.....انا اتزوجت ووالد زوجى كان متوفى و مع ان ليه اخ كبير عنه لكن هو المفضل عند مامته و هى مكانتش عايزاه يفارقها لدرجة ان جالها نوبة بكاء هستيرى و تشنج ليلة فرحنا و بعدها ابتدت المواقف و للاسف لعصبية زوجى و عدم حنكته كزوج كانت المواقف دى بتكبر و خاصة ان العلاقات متوترة بين عائلتى و والدته لتغييرها المستمر فى الكلام و الحقائق و خاصة انها اهانت والدتى و تكلمت بشكل غير لائق عن والدى فى منزلى هى و اخت زوجى الصغرى و لما حملت كانت بتقولى مبروك كانها حتبكى و انتهت سلسلة المواقف بخراب يوم عقيقة بنتى لكن عشان اكون عادلة برضو كانت اختى تقدر تتفادى دا بانها تتجنب الاحتكاك بزوجة شقيق زوجى و التى ارادت ان تقوم بعمل مضايقات هى الاخرى و الان انا و ابنتى و زوجى فى جو متوتر لا استطيع معه الا ان اقول لا حول و لا قوة الا بالله و بعد كل ده انا ما زلت فى هذا الجو الساكن بسبب عدم وجود جديد اصبحت احمل هم ابنتى المسكينة التى لا اعرف كيف ستحتفل بعيد ميلادها مثلا او اى مناسبة تهمها وسط عائلتين متناحرتين و ايضا اصبحت قلقة من ماذا سيحدث ان انعم الله علينا بطفل اخر؟؟؟؟ شاركونا بتجاربكم او ارائكم