السلام عليكم

بما انكم كلكم مصريين او الاغلبيه هنا يعنى مصريين

لازم نعرف اللهجة المصريه دى جت منين

عملناها من القرون اللى فاتت دى ازاى

وعلشان كدا جبت لكم موضوع نقلته من موقع ويكيبيديا

بس انا اختصرته وكتبته بالعاميه علشان يبقى ممتع شويه لينا

بالظبط زى المواضيع اللى انا عملاها فى التوقيع ونفسى حد يخش عليها

اقرو معايا

====================

اللهجه المصريه زى ما انتو عارفين احدى لهجات اللغه العربيه الفصحى وابتدت نشئتها يعنى كدا ناحيه الدلتا (مصر السفلى) حوالين مركزها الحضاريه

اللى هما القاهرة والاسكندريه دلوقتى يعنى .....

واللهجه دى بتختلف من محافظه لمحافظه اختلافات بسيطه اوى

دا بغض النظر عن اللهجات التانيه زى القاهريه والاسكندرانيه والصعيديه و.......... الخ

وبيقولك يا سيدى ان اللهجة المصريه دى لهجه محكيه فى الاساس

وفى اواخر القرن ال20 ابتدى الكتَاب يكتبو بيها (طبعا الكتَاب المصريين)

سواء بقى جرايد مجلات ساخره وكوميديه وساعات مسرحيات وافلام والقصايد وغيرها وغيرها

=================

ودى اهم الاسباب اللى خليتنا نستخدم اللهجه دى

================

1-استخدامها في كل المناقشات والحوارات بين المصريين (الا ان دا يدل على انها لهجة ومش لغة )

2-استخدامها في الكتابة اللى مش رسمية زى الدردشة chatting والرسائل القصيرة sms

3-استخدامها في الاعمال الفنية المسموعة والمرئية وشوية الاعمال المقروئة

4-استخدامها في بعض الاعمال الغنائية الممتازة زى مثلا اغانى لأم كلثوم

5-صعوبة قواعد النحو في اللغة العربية والجهل بها لكن دا مايبررشى الغلط

6-دوافع سياسية او ايديولوجية تسعى لتغيير الهوية المصرية و فصلها عن بيئتها العربية" اظن دى مش محتاجه ترجمه"

========================================


ودى كانت الاسباب

فوقو شويه خليكو معايا هنا

==================

ظهرت بعض المحاولات الجديده علشان تدى اللهجة المصرية طابع اللغة المكتوبة أهمها إفتتاح ويكيبيديا مصرى المكتوب بما يسمى (اللغه المصريه الحديثه) الا ان اللهجة المصرية ليست لغة معتمدة للكتابة العلمية حتى للمصريين انفسهم لعدة أسباب :

1-مش معترف بها كلغة من اي مؤسسة رسمية في مصر.

2-لانه فى اساسا لهجات كتيرة مصرية مختلفة.

3-مالهاش قواعد ثابتة و أصول من وجهة نظر علماء اللغة العربية.

4-فيها ألفاظ أجنبية صرفة بتتنطق وكأنها من اللغة.

5-الركاكة :]في اللغة الناتجة عن الإستعجال أو الجهل و التوريث قد اعتمدث كقواعد بالنسبة ليها،

على حسب رأى مؤيديها (كنطق القاف ألفا)

6-لا تستخدم للكتابة الرسمية على الإطلاق.

7-لا يتم تدريسها في المدارس.

8-لا توجد وثائق معتمدة تؤصل قواعد "اللغه"

============================================

اتعلم المصريون ببطء اللغة العربية بعد الفتح الإسلامي لمصر في القرن الـ7 الميلادي،

وفى االوقت دا كمان كانوا بيتكلمو اللغة المصرية القديمة في هيئتها القبطية، لمدة تزيد عن الثلاثة قرون بعد ذلك،

كانت الفترة القبطية-العربية مزدوجة اللغة في مصر السفلى، واستمر هذا الاتجاه في الجنوب لقرون عديدة أخرى.

وكان المصريون على دراية باللغة العربية في فترة ما قبل الإسلام عبر التجارة مع قبائل العرب في سيناء والجزء الشرقي من دلتا النيل

باين كدا أن اللهجة المصرية بدأت تتشكل في الفسطاط، "العاصمة الإسلامية الأولى لمصر"، اللى هى دلوقتى جزء من القاهرة.

===================================

عارفين كمان اللهجه المصريه كانت اسهل لهجه بتتأثر باللغات اللى حواليها

لكن لو تعرفو انها الدوله الوحيدة اللى تعتبر مش بتتاثر باللغاات اللى حواليها هاتقولولى:..... ازاى ؟؟؟

هاقولكو بصو معايا على لبنان مثلا

دوله شبه عربيه فرنسية الاصل

مع انها المفروض انه عربيه

لكن فرنسا احلتها وقت طويل اوى فزى ماتقولو كدا انها طبعت عليها

ممكن تعجبكو فى نفسكو دى

لكن انا هاقولكو ان انجلترا احتلتنا وقت اطول من احتلال فرنسا للبنان

لكن احنا اتعلمنا اللغه الانجليزيه وعلشان كدا احنا كنا بنعرف ننتعامل معاهم

لكن احنا مادخلناش اللغتين فى بعض

زى الجزاير يعنى

وغيرهم وغيرهم .................

===========================

كملو معايا