يابحر جتلك لجل ما اغسل همومى

جريت حضنتك من قبل ما اخلع هدومى

لقيتك يا بحر بالهموم مليان

موجك مكسور وزى اللى تعبان

مات السمك اكله التعبان

وهجرو النورس بقالو زمان

يابحر ايه غيرك احكيلى وانا عازرك

يابحر ايه عكرك فين مدك وفين جزرك

طول عمرك بتغسل فى هموم الناس

خلينى بقى انزل اعوم مشتاقلك

قولى يابحر يابو العجب

ريحنى ياصاحبى وعرفنى ايه السبب

ليه شكلك اتغير

ليه حالك اتقلب

قالى طول عمرى بغسل هموم

حضنى مفتوح للى يعرف يعوم

بس انت همك تقيل عليا

انت همك ملانى سموم

همك مقدرش موجى يتحمله

فضل يكسر فيه ويقتله

ومقدرش يوصل للشط تانى

همك مفيش بحر يغسله