بداية مشاعر

من سنين عرفتك
شخص اعزه
اتمنى له الخير
كنت بالحيل احسك جريب مني
كنت احسك بتكون لي اكثر من مجرد قريب
وصدقت بتوقعاتي
وصرت لي الدنيا بما فيها




لحظة حب

لمه تحس انه في شخص يمك يحبك
يشتاق لك لا غبت عن عينه ثواني
يفقد صوتك
ينتظرك بلهفه
تفرح بقربه
وتبتسم لا شفته مبتسم
تحس الدنيا بصمت تام لا تكلم
يسحرك بعينه وما تشوف غيره حواليك
ينسيك تعب الايام
يعطيك من حنانه
يسأل عنك ويداريك



سنين الفراق

فجأه ينطفي نور الدنيا
ويكتسي العالم بلون السواد
والضحكه تصير هم
والهم يصير لعبه بدين القدر
من رحلت ... اختلف العالم كله
صرت اشوف احباب واسأل نفسي ليش رحلت ؟
لكن هذي ارادة القوي العزيز
نفترق
نجرب لوعة الحرمان




همسة شوق

رحلت لكن كل شي معاي باقي يذكرني فيك
صورك .. ثيابك .. عطرك .. حتى صدى صوتك
قمت اسمع صوتك وانا بروحي
تناديني تسألني
بعدك تشتاق لي رغم غيابي ؟
واجاوبك بلهفه فاقت حب سنيني
شوف حياتي من بعدك
شوف عالمي اشلون تغير
شوف احلام بنيتها معاك انهارت
اسأل قبرك الي كل يوم ازوره عن شوقي لك وانت بعيد
اسمع دعواتي لك في صلاتي
وحس بأشواقي
تعرف الجواب



دمعة وله

حتى بأحلامي ما غبت عني
والشوق والوله لك حتى بالحلم فاضحني
اضحك مع هالناس
اداري حزن عايش فيني من بعدك سنين




خاتمة الاهات

كل مناي انه ربي يجمعني فيك
في عالم ثاني
احسن من الي انكتب لنا ما نكون لبعض فيه