كان نفسى اقول كلام كتير قبل ما اموت
كان نفسى اعلم فى قلوب

قبل ما عمرى يعدى

قبل ما عمرى يفوت

علشان مكونش مجرد ذكرى

اموت النهارده واتنسى بكره

قبل ما عمرى يفوت

هوصيكى وصيه تعملى بيها

خلى حياتى قصه للناس تحكيها

مانتى جزء منها وادرى بيها

وبوصيكى متبكيش عليا اوعى تبكى

محتاج لكل دعوه من قلبك ادعى

قبل ما عمرى يفوت

اتعلمى من بعدى تجيبى منين الصبر

وخلى الناس تدعيلى قبل ما اخش القبر

اللى بيموت مش بيفقد الآحساس

بيحس بدعوه وحزن كل الناس

قبل ما عمرى يفوت

هفضل اقولك بحبك

واخرامنياتى انى اكون جنبك

وهجيلك فى منامك

فى سكوتك فى كلامك

هحسك فى فرحك وألامك

هتوصلنى دعوتك وسلامك

قبل ما عمرى يفوت

خلينى اطمن عليكى

ضمينى شويه فى عينيكى

انا عايز قصتنا يعرفها كل الناس

وكل اللى يحب يتعلم الاحساس

ازاى لما نحب تتقابل ايدينا من بعيد

تسيب ارواحنا مطارحنا لمكان جديد

ان الحبيب يتغير علشان يرضى حبيبه

انه يسيب روحه ولا يوم يسيبه

قبل ما عمرى يفوت

عايزك توصلى رسالتى للكون

الدنيا الجميله اللى حلمت بيها

ارسميها احلميها ابنيها وعيشيها

وعيشى كل الناس فيها

دنيا كلها شفافيه واخلاص

دى الناس بقت عايشه وخلاص

ابنيها طوبه احساس وطوبه اخلاص

وخلى الصراحه هيا الآساس

واتوصى بالحب

اصل الغلب قتل الحب فى قلوب الناس

وفى النهايه افتكرينى على قد ما حبيتك

كنتى حضنى وكنت بيتك

ولو كنت عشت اكتر كنت فى عيونى خبيتك