المشهد الأخت المتوسطة واقفة فى المطبخ بتقول لأختها الصغيرة (اللى هوا انا الصغيرة )


الأخت المتوسطة : قومى شيلى اللى على السفرة

الأخت الصغيرة : انا

الأخت المتوسطة : امال امى

الأخت الصغيرة : بس ماما مش فى البيت هيا جت

الأخت المتوسطة : يا بت بطلى ام غلاستك دية و قومى شيلى اللى على السفرة

الأخت الصغيرة : احطو فيين

الأخت المتوسطة :فى الدرج

الأخت الصغيرة :يعنى مش فى الزبالة

الأخت المتوسطة منطقش و اعدة ساكتة


الأخت الصغيرة : طب السكوت الرضا يعنى احطها فى الزبالة

الاخت المتوسطة :الهى يولع فيكى يا شيخة

الأخت الصغيرة :اية يا شيخة دية شيفانى بقول لله يا محسنبن

الأخت المتوسطة : انا شكلى هرميكى من البلكونة

الأخت الصغيرة : بس ماما قالت محدش يفتح البلكونة عشان الدبان مش يدخل

الأخت المتوسطة :ولاهى هحط السكينة دية فى بطنك

الأخت الصغيرة : لا مليش مزاج عشان الدم بيجبلى حساسية

الأخت المتوسطة : روحى يا معفنة شيلى اللى على السفرة حطية فى الدرج

الأخت الصغيرة :يا بنتى انتى ارسيلك على حل يئما الزبالة يا الدرج بعدين انا مش معفنة انا لسة مستحمية بس اى نعم مغسلتش قفايا بس بردو


الأخت المتوسطة :اتى شكلك فاضية

الأخت الصغيرة : لا انا مليانة

الأخت المتوسطة : اية يا خفة مش هنبطل ظرف بقا

الأخت الصغيرة : لا انا مش طويلة لدرجة انك تشبهينى بالظرافة بعدين دة تعبير تشبيهى مش واضح


لو فى ردود هستمر فى يوميات الظرف بس ردود مش ضرب