قطيعة تقطع الكل كليلة!!!

أحبائى...
دونما إطناب واسهاب فى مقدمة إستهلالية أقر فيها وأسجل إعزازى وتقديرى للأزهر الشريف مكانا ومكانة ورجالا وخاصة مشيخة الأزهر لأنه يكفينا وعلى وجه الخصوص العبد الفقير إلى الله كاتب هذه الكلمات أن الله يعلم منا ذلك . ، وحتى لو كان الجالس على رأسها وإمامها الأكبر هو الأستاذ الدكتور/ محمد السيد طنطاوى ذلك الرجل الذى يحيرنا بمواقفه وتصريحاته بل ويجعلنا أحيانا نضيق حتى نكاد نخرج عن الصواب والوعى وندخل فى حالة هستيرية تبعدنا عن الإدراك لواجبات الوقار لمكانته العلمية والمكانية فيكون الحال كما فى هذه الأرجوزة التى أرتجلها تعقيبا وتعليقا ونقدا لتصريحاته الأخيرة والتى قال فيها حسب ماورد بالصحف «قطيعة تقطع شيمون بيريز وتقطع اللى يعرفه ولعنة الله عليه إلى يوم القيامة» حيث جعلتنى أرتجل وأقول بلسان حاله ومستخدما كلماته وتعبيراته..
< قطيعة تقطع الكل كليلة >
قطيعة تقطع شيمون بيريز
وتقطع معاه الكل كليلة
واللى يعرفوه ولعنة الله عليه
وكمان شمشون ودليلة
ماهو أنا أصلا معرفهوش
ولا يهمنى هوه ولاغيره
ياناس أنا سليم الصدروالقصد
وما بكنّش لحد كره ولاغيلة
وآهو مؤتمر وحضرناه يعنى
بقى لو قاطعناه...
كانت دى تبقى هيه الحيلة!!!
وقضية فلسطين خلاص بقة
وقفة على.....لقاء
عملتوا منه هيصة وهلّيلة
أدينى أهوه خلاص بقول....
قطيعة تقطعه واللى يعرفوه
وكمان معاه الكل كليلة!!!
يا ناس أنا مش "شمشون" ولا
حتى فلسطين "دليلة"
علشان أهد لخاطرها المعبد على
راسى وراس الكل كليلة
وكمان بتسأولونى عن إيران؟؟؟
وأنا ماليش فى السياسة..
و خلاف المذاهب ولاغيره
قلتلهم عاوزين نبقى حبايب وكمان
نتعاون ونتقارب..
مفيش إسم شارع لقاتل السادات.،
بس ياشيخنا!!!

عاوزينى أقوللهم إيه كمان؟؟
ضريح أبو لؤلؤة!!!

يييييييييه قطعية تقطعه ولعنة الله
عليه وشمشون ودليلة
هوه أنا خلصت من الصهاينة علشان
تجيبوا المجوس داحبالكوا طويلة
ياناس أنا قلت ..أنا مش "شمشون"
ولا بن الخطاب..
وكمان شهيدة الحجاب..
وحتى مسلموا الصين
وأى مسلم فى أى مكان كان
عمره ما حيكون "دليلة"!!!
وعلشان خاطره أهد المعبد على
راسى وراس الكل كليلة
عموما حجيب من الآخر وأريحكوا
أنا مش سياسى ولا غيره
أنا موظف غلبان كل ما حتقوله
الحكومة والنظام حقوله!!!!!
بقى يعنى خلاص..
مشاكل العرب والمسلمين جات
لحدى ووقفت بالقليدة
وبقيت أنا الإمام الأكبر والخاين
والمطبّع والكل كليلة!!!
قطيعة تقطعكم واللى يعرفكم واللى
عاوز وكمان الكل كليلة!!!
علشان أنا مش "شمشون" ولا
انتوا عمركم ماحتكونوا "دليلة"!!!!
***********
ولم يبقى لى إلا القول ..اللهم بقلبه وليس لسانه!!!
فمعرفة عن معرفة تفرق يا شيخ الأزهر!!
وأدعوك لتستقيل يرحمك الله وتعمل بنصيحة المصطفى صلى الله عليه وسلم..
" أمسك عليك لسانك .، وليسعك بيتك .، وابك على خطيئتك "
وحسبنا الله ونعم الوكيل!!!!!!!!!!!
**********