جنة فتكات تقدم لكم

اول اعمالها

عن طريق العضوة لؤلؤة النجع :]

نتمنى ان تستمتعو معانا فى تعريف الطب

وتاريخه وبعض اهم الاطباء فى العالم

مع اضافات تلمع الموضوع وتجعله سهل القراءة

والمفاجأة

مكتوب باللهجه العاميه

================================================== ========

تفضلو..

==========

الطب(باللاتينية: ars medicina)، يعنى "فن العلاج"؛ هو العلم اللى بيجمع الخبرات الإنسانية في الاهتمام بالإنسان،

واللى بيواجهه من علل وأمراض وإصابات تخلص على جسمه أو نفسيته أو المحيط اللى بيعيش فيه،

ويحاول ايجاد العلاج بطريقتين :

1-الدواء

2- الجراحه

وطبعا تتعمل على المريض.

كمان بيتناول الطب الظروف اللى بتشجع على حدوث الأمراض وطرق تفاديها والوقاية منها،

ومن جوانب العلم دا الاهتمام بالظروف والأوضاع الصحية، ومحاولة التحسين منها.

والطب هو : علم تطبيقي يستفيد من التجارب البشرية على مدى التاريخ.

وفي العصر الحديث بيقوم الطب على الدراسات العلمية اللى اتوثقت بالتجارب المخبرية والسريرية.

==============

بدايات علم الطب

=============

والطب هى مهنة قديمة قدم الإنسان ذاته

علشان ارتبطت في بدايتها بأعمال السحر و الشعوذة و الدجل و دا كان في العصور القديمة و المجتمعات البدائية اللى مارسها الكهنة و السحرة

وبعدين تقدمت نوعاً ما مع الحضارات القديمة في:

بلاد الرافدين

و مصر (الفراعنة اللى برعوا في تحنيط الأموات)

و الهند

و الصين (الوخز بالابر الصينية)

لحد ما حصلت النقلة النوعية في زمن الإغريق و اليونان و ظهور

أبقراط

مين ابقراط دا

دا يا سيدى واحد من أشهر الأطباء عبر التاريخ و صاحب القسم المعروف باسمه و الملتزم بأخلاق المهنة

و جالينوس

و غيرهم

ومع ظهور الحضارة العربية و الإسلامية و تطور الممارسة العلمية التجريبية بدأ الطب ياخد شكله المعروف دلوقتى من خلال

أعمال علماء

و أطباء كبار


أمثال ابن سينا

مين ابن سينا دا يا عم بقى ما تتعبناش بقى

يبقولك يا عمنا انت انه الشيخ الرئيس اللى اتعرف بأنه أول الباحثين في مجال الطب النفسي و أول من أعطى الدواء عن طريق المحقن و غير دا الكثير

و ابن النفيس

لا بقى يا عم انا ماشى ايه القرف دا

استنى بس ما انا اهو لسه هاقولك

الراجل دا (مكتشف الدورة الدموية الصغرى)

هو فى دورة دمويه صغرى وكبرى

اه /mr47 وبلاش تريقه بقى

دا غير الزهراوي و الرازي وغيرهم الكتير اللى لسه كتبهم و أعمالهم بتدرس فى كل أنحاء العالم لحد القرن السابع عشر

ودا مهد الطريق أمام التطورات الكبيرة اللاحقة اللى حصلت مع ظهور عصر النهضة في أوروبا وبعدها الثورة الصناعية لحـــــــــــــــــــــــ ـــــــــــــــــــــــــ ـــــــــــــــــد الأزمنة الحاليه و واللى أدت لــتطورات كبرى في كل العلوم و منها الطب والفلسفة.

لسه ماتمشيش ما احنا هنا اهه

================================

الحدود بين اللى هو اسمه "طب" واللى مش "طب" كانت محور مجموعه دراسات.

انجازات الطب الغربي في القرن التاسع عشر (تخذير، تعقيم، تلقيح و المضادات الحيوية) و انتشاره بشكل واسع في انحاء العالم جعله الطب النمطي على الرغم من بقاء العلاجات الأخرى.

ودا بــــيفسر رفض المعاهد الغربية الاعتراف بالطب التقليدي الأربي و الغير أربي، الصيني و العربي وغيره

. لكن مع نهاية القرن العشرين

وظهور مقاومة المضادات الحيوية و بعض الفيروسات المستغصية و الامراض الغير قابلة للعلاج،

عاد للطب التقليدي بعض الاعتراف.

وبان دا لما رجعو للنوع دا من الطب بجانب الطب الحديث في أوروبا زى:

الوخز بالابر الصينية و العلاج بالأعشاب.

كمان مع نهاية القرن العشرين وبظهور مفهوم العولمة

رأى الطب التقليدي دا "طريقه إلى النور"’ وبان دا في:

وضع منظمة الصحة العالمية عام 2002 م استراتيجيتها الأولى العامة للطب التقليدي أو البديل.

لسه هانكمل .....