بصوا بقى
انا هبعبع بمشكلتى اهوووو
انا كنت فى احد المنتديات وبعدين كنت بتعرف على بنات بس وكل ما يجى ولد عاوز يتعرف عليا برفض دايما ومضتش انى اتعرف على اولاد خالص
وانا كنت بشارك فى المنتدى عادى خالص وبتكلم مع البنات وبناقش مواضيع وكدة
فبعدين اتعرفت على ولد من خلال مشاركاتة بس مش كنت بتكلم معاة خالص
وفى مرة كان عندة مشكلة بعتلى رسالة وقولتلة انى مش هقدر اساعدة فقالى شكرا وكدة وخلص الكلام
بعديها بفترة قالى ان توقيعى حلو بس كان عاوزينى اغير فية
فانا اقتنعت وكلمتة عشان يحط لى التغيرات وحاول معايا نحط توقيع حلو وكان بيعاملنى زى اختة
وبعدين عشان يضبط التوقيع طلب منى الميل وانا رفضت وقولتلة مش مشكلة التوقيع دة
وبعد فترة كبيرة طلب تانى الميل فقولت خلاص انا عرفت اخلاقة واطمنت لة واديتة الميل وقعدنا نكلم بعض فترة
فى حدود الادب والدين ومعاملة زى الاخوات بس هو قالى انة بيحبنى بعدها بصراحة فرحت لان اى بنت ممكن تفرح بالكلمة دى
لدرجة ان عينى دمعت وناقشتة فى الكلمة دى وقولتلة ان ممكن كلامى معاة دة يكون بيتسلى واقنعنى انة بيحبنى بجد وانا اتعلقت بية جدا وكنت بحب كلامى معاة وكان بيغير عليا من اى حد ممكن يكلمنى او يحاول يتعرف عليا
ولكن بعد فراق 3 شهور لظرف المذاكرة جة فى يوم وقالى انة بيحب واحدة معاة فى الكلية بصراحة حاولت امسك نفسى بس فى الاخر قولتلة انى بحبة وسبتة ومشيت
بس بعد كدة كنت بفتح الاقية فاتح اقفل علطول ومش كنت بكلمة وفى يوم فتحت لقيتة فاتح وراح كلمنى علطول قبل ما اقفل وعاتبنى عشان قفلت علطول المرة اللى فاتت اتكلمنا شوية بس كنت مش بكلمة زى الاول طبعا لانى اتجرحت من طبعا
وبعد كدة قفلت ورجعت فتحت فى يوم تانى لقيتة فققلت بس من يومين كلمنى وقالى انى لو قرفانة منة كدة نحذف الايميلات ونخلص قولتة انى مش قرفانة منة
وحكيت لة انى اتجرحت من حبة لواحدة غيرى لانة كان بيحبنى قبلها
قالى انة حس بحاجة نحيتى وبعدين عرف انة حب اخوى او صداقة
انا قولتلة طب مقولتليش لية انة كدو سبتنى احبك ومفكرة انك لسة بتحبنى سبتنى احلم بحاجة انت مش حاسسها لية
قالى بلاش نخدع بعض لان مكفيش حب ع النت قولتلة انا كان مستحيل ومازال مستحيل انى احب من ع النت وقولتة انة السبب
قالى يعنى لو حد جة قالك بحب هتحبية علطول قولتلة ان بنت فى سنى سهل اى حد يتسلى بيها
رد عليا وقالى يبقى انا تافهة
سبتة ومشيت وحذفت كل اميلاتة من عندى
حسبى الله ونعم الوكيل
سؤالى بس لو كلمنى تانى ارد ولا اية
انا خايفة على كرامتى وقولتلة انة ظهر على حقيقتة
حسبى الله ونعم الوكيل
ادى مشكلتى عشان مطقش من جنابى بس
وفى النهاية
::عسى ان تكرهوا شى وهو خير لكم