سيداتى وسادتى قبل ما اروح اغسل احب اقدملكوا عرض سريع لبرامج وفقرات النهاردة اللى هنقولها ع القناة الاول

بعد العرض مباشرة
بنتلتقى بالحب بالضياع بالغيبوبة والارهاب ودا من خلال برنامج دوخينى يالمونة

اطفالنا الحلوين الصغير ليهم معانا لقائين
اللقاء الاول الساعة 11 مع حلقات دراكولا المخيف
القاء التانى بنقضية معاهم ف الزنزانة

الساعة 1 الفيلم العربى ياحبيب الشعر طلع ف ضهرى بطولة الهى ماتنضر ولاتشوفش وحش ابدا سنية كوباية وابراهيم شفشق والنجم الكبير نبيل برطمان ومن اخراج فاروق الصحن

الساعة 4 المسلسل الاجنبى الطويل الاهبل i love u ya dede more أى اهلا يا حبيبتى دى دى والمسلسل عبارة عن حلقات اشتريناها من دمنهور بسعر التكلفة اة واللة

النهاردة الاربع وكل يوم اربع بنهدى سهرة ممتعة مع ماخترناش لك
معانا مونت كارلو بس من غير شى
وكمان بنشوف المطرب الاسبانى المحبوب الريس متقال وفرقتة بلاليص ام هوفن
وبنسمع كمان موسيقى تقطع القلب مع عازف العود سمير زعزوعة وبعد مايعذف بيطلع العود ويعصرة ويطلع عصير قصب ويدى لكل مشاهد معانا كوباية
البرنامج من اعداد سنية ان كان عاجبكوا ومن اخراج عمار مشافش حاجة عن اذنكوا اصلى سايبة الغسيل ف التلاجة


ودلوقتى سيداتى سادتى الميكروفون وكاميرات التليفزيون تنتقل بكم ف اذاعة خارجية الى ملعب (شومااااا لوف) لاذاعة الوصف التفصيلى بين فريقى( سراج لاديش - وفريقى التيتولافين )ف الى مدينة سوهاج ليمتد


ماااااااااااااااااااااااا اتش النجعاوية

سيادتى وسادتى نحييكم من المعلب بتاعنا احنا .. والفريق بتاعنا احنا .. هنعتمدوا علية ف كل حاجة ف الخناقات ف السباحة ف الونج بونج ف الدولف ف المصارعة ف الدومنة ف السيجة ف كل حاجة


الفرقة بتاعتنا نزلت 11 نفر فية 150 احتياطى قاعدين ع المزلقان والملعب مليان على اخروة أكتر من تسعمية الف متفرج مش فاهمين حاجة ف الكورة واصل

الفريق بتاعنا نزل بالجلايب البيضة المخططة بأزرق بالطول ولابس جزم طويلة فوق الركبة مربوطة بفتلة من قدام ولابس عمم لبنى ونازل يدلع دليع
عيمثل الفريق بتاعنا الجون عمار ابو خلف اللة .. خط الحيطة من وراا سراج وومنون ووتيما وابو سروال
خط النصميدو احمد وجوجا كولا وجيجى (جيجى ديتى اصغر لعيبة ف الملعب عندها 42 سنة وبتلعب مع الاشبال تحت سن 50 سنة لابسة نمرة 280 ياريت الكامير تديبهالنا كدااا)

الماتش واعر قوى وحساس

وهيحضر المبارة بتاعة النهاردة الدكتور سيد ابو صداغ وحرمة اكبر راجل تاجر شكاير اسمنت فاضية قاعدين ف المجصورة من امبارح بالجوع وبعدين انا عايز اقول لحضراتكوا النهاردة الدكتور ديتى وحرمة قاعد فالملعب عشان يسلم البلاص للفريق الفايز

والارض عندينا خرسانية مش نجيلة زى ملاعب الخنافس يعنى اللى هيوقع مش هيقوم تانى
والحكم عندينا هيكم بزمااااارة طويلة مش صفارة صغيرة علشان اللاعيبة بتاعتنا ودانها تقيلة شوية
الجوان عندينا مبنية بالطوب الاحمر وكل جون قاعد علية واحد غفير ماسك بندقية ف ايدة عشان ما يحصلش تسلسل ويطخوا اى لاعيب يتسلسل

و الجهاز الطبى للفريقين بيتكون من اتنين داكاتره وهم
الاسطى رجب حلاق الكفر و المعلم خشبه حانوتى المركز و معهم المساعد
مسعود تاجر البصل و هو جايب معاه شوال بصل عشان يفوق ويصحصح اللاعيبه

وبعدين هنقول لحضراتكوا دلوقيتى انا شايف طاقم الحكام اللى جاى من برا النهااردة
هريدى عشرنوف من روسيا وصيحو جونزبلا من ايطاليا وآآة من اليابان

وعلطول نلاقى الحكم ضرب ايدة جوا الذيرى بتاعة وطلع المنبة بتاعة وعيبص للغفير شدون وشدون رافعلة الشوم و بتقولة احنا معاك ان شاء اللة ياريس وربنا ينصرك ويخلص الماتش دا على خير

وبصلهم شمال ويمين وزمر الحكم تترارارا رااااااااااا

ونزل الفريق التانى وهيمثل لحراسة الملعب تيتو وخط الحيطة من ورا عويس وابو خبيزة والدمنهورى والتنح
خط النص برسيم وزبانخ وقرع خط الهجوم ابو العنين الكفيف وابو ربع وابو عطيات

والحكم ندا كابتن الفرقتين وبيضرب القرعة بريال فضة من بتاع زمان وفى قفص ف الملعب مليان غربان عشان يطيرة امال اية رمز للمحبة بين الفرقتين
ورجال الصحافة مالين الارض ومالين الملعب والدنيا النهاردة مغيمة والجو جميل واليوم مش طالعلة نهار باين علية والملعب باين علية جميل النهاردة للى هيحدث اليلة ف قلب المبارة لانى سامع افاظ خارجة مايصحش تخش البيوت واصل وعشان كدة عايزين الحكومة تعملنا قفص حديد نذيع منة


وبدأت المبارة وسنتر الفريق بتاعنا علطول والطوبة بتجرى من شمنديرى لجراوندى للكرااااااك والكرال لابو سروال تروح الطوبة للدمرانى اصغر لعيب فالملعب اللى عنمدة 42 سنة دا اللى هيجرى هيكر بالطوبة ف رجلية كر ووتتلعب الطوبة علطول يقطعها ابو عطيات ويديها للخضرى طويلة لقدااااام مقطوعة وتعدى خط النص بهبااااااااااااااابة صغيرة علطول تلقى جيجى البت بتاعتنا اللى طايرة ورا الباكات برافوا يابت وتجرى وراها وتلحقها وبردوا تطلع برا خط الدير(الجير يعنى )بذكائها
وتبقى اوت ورمية تماس وتلعبها بردوا جيجى من ورا قفااها وتلعبها علطول جوا الملعب والفريق بتاعنا عامل هدمة هنيتى وهدمة هنيتى

وبعدين لو لاحظنا هنلقى فريق التيتولافين بيلعب بطريقة ارعة اتنين اربعة انما الفريق بتاعنا بيلعب بطريقة نهجم نرجع علطول
لان الغالب من التيتولافين والفريق بتاعنا هيقابل الغالب من نجع البطيخ وابو النمرس
واللى هيغلب من نجع البطيخ وابو النمرس يبقى يقابلنى

وبعدين انا شايف فية فاول قدام منطقة الجزاء بتاعتنا وعلطول يرفع الحكم بندقيتة ويطخ عيارين ف الهوا ويطلع 3 كروت حمر ويديهم لمنون لان منون ضربت جيجى على قفاها

ونا دلوقيتى سامع المدرب بيقولوا اعملوا حيطة ياولد علطول فاريقنا جاب المونة والاسمنت والطوب الاحمر وبنى الحيطة بس معترضين ان الفريق التانى يشوط لان الحيطة لسا طرية لكن الفاول اتشاطت زى الصاروخ شوطة قوية اللة يخربيتك ياعمار خلى بالك لكن عمار مخدش بالة كان قاعد جنب الحيطة بيمص قصب


ويعترضجمهور فريق تيتو بالرغم انة جايب الجون ويحدفو الحكم بالطوب والبيض المسلوح
ف نفس الوقت يرد عليهم جمهور فريق سراج النجعاوى بالقنابل والديناميت

و يلغى الحم المبارة وينتهى الماتش 12 صفر لصالح الحكم

كان معكم من اعلى قمة فى استاد سوهاج ليمتد المعلق الرياضى / سمسم نقلنا لكم الماتش النجعاوى الكبير ماتش اللقاء والاثارة ونعود بكم الان الى اذاتعة تحليلية داخل تليفزيوناتنا بجمهورية النجع العربية