طمنونى ع اللى غايب
قلبى دا معبى زكايب
م الحنين والأنين
غاب وقال عدولى..أيام وسنين

باكتبله
أيوا يا محمد
واحشنى
طالت الغيبة قوى
مال قلبك صار قوى
أيوة قسيت يا حمادة
مش بعادة
تكتم الأشواق ف قلبك
مش بعادة
تختصر ف رسالة حبك
مش بعادة
بكرة تسقى الناس عليا قهوة سادة
من بعادك طار عقلى
أصلى بنحبك قوى
وانت تقلان بالقوى

باكتب كل يوم وابعت
ميت رسالة
بالف شكل والف طعم وألف لون
مش رسالة
دى بحر من قسى وعويل
دا كلام بيحكى ليل طويل
ما بنمش م التفكير
ومن الدعا بالليل
يرجعلنا الغايب
ويرد قبل ما اروح
ف سفر ما منه رجوع
عاشق وصبرى قليل

طمنونى ع اللى غايب
قلبى دا معبى زكايب
م الحنين والأنين
غاب وقال عدولى..أيام وسنين