السلام عليكم ورحمة الله وبركاته

ازيكم يانجعاوية

عاوزة بقى كل واحد يقولى رايه بجد



انا بابقي بعيط

لما بشوف الناس تتحير

لما الزمن الحلو اتغير

لما الخير جوانا اتمرر


اكيد هتعيط


لما تحس بظلم حقيقي

وتلقي فيه ناس كارهاك

لما تحب الخير للناس

وتلقي الشر جزاؤك



انا بابقي بعيط


لما بشوف احلام الناس

ناس احلامها في ساعه تنام

وناس جواها النوم احلام


ناس دعوتها ارحمني يارب

عارفه الرزق بايد لله

وناس بتنام الليل عالارض

صاحيه بتشكر فضل الله


انا بابقي بعيط

ناس متنمش الليل م الخوف

وطفله بتحلم بالمصروف

وناس بتخاف تبص تشوف

تلقي الغدر جزاء معروف


انا بابقي بعيط

ناس جواها مش زي الصوره


جوه قلوبها

هموم مبدوره

وتبص لعينها

تبان مسروره

احساسي بيقولي انها

مكسوره



انا بابقي بعيط