السلام عليكم ورحمة الله وبركاته


بصو يا جماعه طبعا كلنا عارفين ان اجر الانسان اللي يقول سبحان الله وبحمده ١٠٠مره في اليوم وكمان اللي يقول لا الله الا الله وحده لا شريك له له الملك وله الحمد يحيي ويميت وهو علي كل شئ قدير ١٠٠ مره في اليوم
وكمان الاستغفار ...ولا حول ولا قوة الا بالله..

حاجات كتير اجرها عظيم جدا...اد ايه ربنا كريم ورحيم ، بس طبعا في ناس بتنسي زي انا كده وساعات بتلخبط هوا انا قلت اد ايه ؟! هوا انا سبحت ولا لاء؟! استغفرت اد ايه...ودي حاجه كانت بتدايقني جدااا.
المهم ،كان شيخ في التليفزيون بيتكلم في موضوع ازاي نعود نفسنا ولسانا ياخد علي ذكر ربنا...وقال علي فكره جميله جدا....
قال كل يوم نقول ذكر معين.،يعني يوم نخصصو للاستغفار ،بكره تسبيح... كده يعني.
وعشان الناس اللي بينسو كتير زي انا كده ..انا عملت حاجه عشان تفكرني كل يوم ،علي الموبايل (النتيجه) عملت ريمايندر لكل يوم ..وعشان عاوزه اخد ثواب ،بعد ما عملت كده ..، بعتها بالبلوتوث لصاحبتي .ونفسي اخرج اسافر في القطر عشان مليان ناس وبيستقبلو حاجات علي موبايلاتهم ومن غير ما يعرفوني ولا يشوفوني..مش فكره سهله برضو؟؟
يا ريت كلنا نعملها