من فترة ليست طويلة أوي كنت بدور علي اختبارات نفسية أهو الواحد يعرف البلاوي اللي مستخبية جواه .. المهم صادفني الموقع دة وفاجئني بمجموعة اختبارات الحمد لله وضحتلي اني ولله الحمد مفيش في نفساويتي حاجة سليمة المهم دخلت وخرجت وعدي الموقف المؤلم ..

وبقالي يومين دماغي عمالة تروح وتيجي تروح وتيجي لحد ما رجلها وجعتها وكنت بفكر أسجل وللا لأ أسجل وللا لأ وفي الآخر وبعد طول انتظار وصراع مع النفس البشرية أتممت التسجيل في المنتدي الرائع دة .. /wik

وبصراحة ومن غير مجاملات لقيت فكرة الموقع دة جميلة جدا و "تحفة" ولقيتها مناسبة جدا إن احنا نخرج الكبت اللي جوانا من غير حتي لا احم ولا دستور ولا استئذان من حد ..

ومن أكتر الأشياء اللي شدتني في الموقع انه تقريبا موقع متكامل بيضم أقسام كتييييييير أوي ومختلفو وفي نفس الوقت مفيد مع ملاحظة حاجة مهمة أوي انه موقع محترم جدا بيرفض حتي الكلام عن حاجات كتير بيعتبرها ناس أكتر عادية زي الأغاني أو الميك اب وربنا يوفقنا..

هتقولولي الكلام دة كله عارفينه أو احنا ايه علاقتنا بالموضوع دة أقوللكوا اهو كبت وبخرجه وخلاص وبيني وبينكوا ومتقولوش لحد خصوصا الاستاذ صيحو رئيس تحرير الموقع أنا كتبت كل دة عشان يملا العين كدة ويبقي موضوع عليه القيمة بس ياااااااااااارب ميكونش مصيره الركن الكخة .........

:وبصراحة الاستاذ صيحو كان في قمة الديموقراطية معانا اللي أول مرة أشوفها لانه وضع اكتر من قسم واللي عايز يكتب في اي قسم براحته ومبيجبرش حد يكتب في قسم معين فجميع الاقسام مفتوحة للجميع......

:وطبعا دي مش ديموقراطيه ولا حاجة دة بس عشانه عارف اننا نفسنا في الديموقراطيه وبنحلم بيها فبيدينا الفرصة اننا نمارسها خفاء بعيدا عن أعين المخبرين والguides
وربنا يستر وميكونش هو واحد منهم .....

:شدني طبعا الركن البمبي بما اني بمباوية وأكيد هحاول اعمل موضوعات فيه قريب ...

وبجد الركن اللي عجبني اوي ركن المشاكل بصراحة شدني أوي لاننا كلنا بنحاول نكون فعلا عيلة واحدة ونساعد بعض ونستفيد من خبرات بعض بس ونداء لكل واحد عندة مشكله ومكسووووووووووف " اتكلم في الركن دة بصراحة ومتخافش ان سرك يطلع برة عشان الس هنا في بير صحيح البير بيسرب ع الآبار اللي حواليه بس الحكاية كلها هتبقي أبائير في أبائير ..واللي خايف او متردد فاختنا هنا في النجع " مسلمة 20 " قالت علي فكرتها بانك تكتب مشكلتك بعضوية غير عضويتك لو عاوز تستفسر هتلاقي الموضوع بتاع اختنا " مسلمة 20 " هناك في ركن المشاكل وربنا يفرج كروبنا جميعا وكروب المسلمين ..

آسفة إني طولت عليكوا بس محبتش في مواضيعي الأولي أنكد عليكوا بس بعد ككدة هتوصي بيكوا في النكد متقلقوش ..

اعذروني لو في أخطاء إملائية واغفروا عثرات الكي بورد بس سامحوني أوائل مواضيعي بقي وعشت شوية في دور التونر والقلق والخوف من رد فعل الجمهور ياريت بس تكوني وصلتوا لكلامي دة ومزهقتوش من أول سطرين..
:
وسلامي لكل نجعاوي أصيل مأصل وكل نجعاوي صغانتوت مسيره يكبر...

ويللا عايزاكوا تتحفوني بمواضيع جديدة عايزين النت يفرقع من قوة مواضيع النجع ..

يللا سلااااااااااااااااااااااا ااااااااااااااااااااااااا ااااااااااااااااااااااااا م