السلام عليكم ورحمة الله وبركاته
ازيكم احبتي في الله
عساكم تكونون بخير
طبعا انتوا دخلتوا وعارفين ان فيه مشروع جديد معانا باذن الله لكن ماهية المشروع لسه مش معروفه
هنوضح كل شئ باذن الله
وطبعا محتاجين موافقة صيحو على الموضوع
ان شاء الله يوافق وتعجبكم كمان فكرة الموضوع
اولا الموضوع بشكل عام عبارة عن اصدار اسطوانه تحتوي على قراّن كريم ...اناشيد اسلامية ....وصوتيات اخرى هنعرفها بعدين
ايه الفائده وراء المشروع ده؟؟بكل بساطه اول اسطوانات هتصدر هيتم بيعها والاموال اللي هنحصل عليها هنخصصها في التبرعات
و بكده وانت قاعد في بيتك هتنول اجر كبير وخاصة واحنا داخلين على شهر رمضان
هتقولوا لي طيب وهي الفلوس اللي هتطلع دي هتعمل حاجه
هقول لكم بشويش عليا احنا هنجرب في البدايه 5 اسطوانات تقريبا ولو نجح الموضوع هنستمر وهيكبر الموضوع
جيه بقى السؤال المهم ....انتي بتقولي لنا مشروع ومش مشروع وكلام فارغ ...ما هو اي حد ممكن يعمل اي اسطوانه من دي.....كده بقى جينا للنقطه المهمه
الاصوات اللي هتقوم بالتسجيل هتكون من اعضاء النجع واكيد احنا عندنا الموهوبين كتير والحمد الله
بس فيه شرط مهم جدا ان الاصوات دي هتكون للشباب فقط يعني ممنوع للبنات التسجيل
معنى كده انا البنات طلعت من اللعبه
لأ طبعا احنا الكل في الكل
يعني احنا قلنا مثلا هيكون فيه اناشيد دي هتكون من تاليفكم انتم مش بتاعة حد تاني بالاضافه ان الاسطوانه دي هتحتاج شغل كتير وعايزه همه من البنات والولاد لأن المشروع مش بيعتمد على التسجيل الصوتي بس لأ ده بيعتمد على حاجات تانية كتير.....
عامة دي الفكره المبدئيه للموضوع وانا عاوزه اللي يدخل يرد ويقول رأيه ويقول لي هشارك
وان شاء الله فيه لسه تفاصيل اخرى في الموضوع منتظرة الردود
واوعوا تفكروا انكم بكده هتضيعوا وقتكم بالعكس نان متأكده ان العمل ده هينجح باذن الله ويجلب الخير طالما في طاعة الله
احبكم في الله