كـومـيديـا في الـزنـزانـه (سجع)

على راحتي وماشي وانا براحتي
السما من فوق و نجوم تحتي
وبعيد عن كل الناس ماشي
الناس دي بترفع من ضغطي

على راحتي وماشي وانا في حالي
وبغنيي حكايتي وموالي

* اقوم الاقي مين ادامــــــــي ؟؟؟؟؟؟

الظابط واقف مستني
بيقول كان عايز يسألني
عن حالى واسمي وفين سكني
وكمان كان عايز عنواني

طلعت سيجارة........ على بقي
ورميت له سيجاره..... على بقه
بص لي وقال............. ولعهالي
رحت مولعها وانا جاري

بجري ع الاخر وانا سامع
طلقه لطبنجه وصوت طالع
وثواني بقيت اخر الشارع
لقيت سواق شارب ضايع

الحقني يا عم السواق
دول عالم ناسيه الاخلاق
انا مش ناقص موت وخناق

قالى وبسرعه اركب يا ابني
دول عالم ظلمه وصدقني

ركبت معاه العربيه
والاسطى مشغل اغنيه
بسمعها وشايف عربيه
بتجري ورانا هي التانيه
وفجأة وشايف بعنيه
الظابط وفي إيده هديه

معاه المخبر في ايديهم
كلبوش وشرار مالي عينيهم
يا سلام بقا على كف ايديهم
اكبر بكتير من رجليهم
طب اقف هانسلم عليهم

هايمسكوك آه يا عيني يا لوكس
هاخرج م الحجز في ايدي كلبش
وبصوت مخنوق قالي يا لوكس
بطاقتك واطلع ع البوكس

البوكس راح طالع بينا
طبعا ع القسم مودينا

في دقيقه المحضر كان جاهز
وراموني في الحجز ما اهو انا ناقص

* لقيت نفسي يا تره مع مين؟
حراميه وعالم مساجين
وكبيرهم اسمه الـتـنـيـن
بص لي وقالي و ده مين

قلت له عادي انا انسان
عايش حياتي وغلبان
إياك تضربنى انا عيان
هصرخ وهنادي السجان
راح ضاحك وبصوت مليان
اديني فلوسك يا جبان
وسمعته بيقول يا جبان
وضرب في دماغي البركان
وبصوت ماطلعش بقالو سنين
قولت له انت بتكلم ميييييين
قالي بكلمك انت يا مسكين
قلت انا لا يهمني تـنـيـن
ولا عالم عايشه في زنازين
ورافع شمالي مع يمين
على وشه وضارب بوكسين
* انا قولت ياخدهم و ينام
أتاريه راجل شهم همام
الواجب بيرده تمام
على وشي إداني جوز اقلام
وصوته حنين غلبان
بيقولي ما تصحا يا تعبان


إصحا عشان الجامعه يا لوكس
يا عم سيبك بقا م الهجص
فتحت عينيا و بالعكس
شايف منظر غير الحجز

اخويا الصغير صحاني
بالميا و على وشي رماني

قالى يا عم دا طول الليل
ايدك طالعة ونازله كتير

عمال بتحلم بخناقه
في السجن وجوه الزنزانه

قلت له كويس يا عم
دا طلع حلم ماهوش سجن

مش ماشي ابدا على راحتي
هشوف دروسي و مصلحتي
مش قاعد تاني على قهاوي
هابطل أحلم........ انا ناوي

هع هع هع هع هااااااااااع


يا جماعه مش عارف اخلي الخط كبير ازاي