السلام عليكم

ازيكم يا نجعاويه

انا قريت خبر النهارده

بيقول ان الصيادين المصريين الي القراصنه الصومالييين خطفوهم من 4 شهور

قدرو انهم يهربوا :] :]

بس الموضوع مش عارف يضحك ولا يحزن


بس تخيلوا الحكومه العزيزه بتاعتنا

4 شهور ما عبروش الناس دول

ولا اتكلموا خالص

سبحان الله

دا لما القبطان الامريكي اتخطف

اوباما بعت فرقه مارينز حررته في يوم


انا بس كنت حابب انقلكم بعض التعليقات الى اتقالت على الخبر دا في مصرواي

- الجرى نص الجدعنة



اعتذار من الفراصنه
هذا وقد ارسل القراصنه مع الطاقم رساله اعتذار وندم على خطف اي سفينه مصريهواكدو في رسالتهم عدم تكرار مثل هذا الامر بعد ذلك


المصري مصري في أي مكان
احنا أصل الفهلوة

قال يخطفو مصريين قال


لتحليل المنطقى
منطقيا اعتقد ان القراصنه سابوا المصريين اولا لانهم عارفين ان محدش حيسال فيهم
وانهم صارفين عليهم لحد النهارده شئ و شويات\
يعنى جايين عليهم بخساره
علما بان مجلس القراصنه الاعلى اصدر قرار بعدم خطف اى مصريين لان مالهومش ديه و حيكلفوهم اكل و شرب
الخوف بقى لا نرجعهاهم تانى بحجه ان معهمش تاشيرات دخول





حاجة تفطس من الضحك
انا اعتقد انو القراصنة دول عبط شوية لانو لو عندهم شوية معرفة بسيطة كانوا هيعرفوا ان السفينة لو قعدت عندهم اربع سنين مش اربع شهور مش هيطولوا ولا لحلوح من الحكومة المصرية
وحسوا انهم اشتروا التروماي هههههههه
عشان الحكومة بتاخد بس فلوس من الناس واللي اتعود ياخد مش ممكن يدفع
وطبعا لما زهقوا من المصريين المحجوزين عندهم لان قعادهم بخسارة,,اكل وشرب ببلاش سابوهم وصحابنا المصريين ما صدقوا يخلعوا منهم واكيد القراصنة هيحرموا ياخدوا مصريين تاني عشان عرفوا اللي فيهاههههههههههه
صحيح هم يبكي وهم يضحك ولكم الله يا اهل بلدي ...


عمار يامصر
عملوها الرجالة..

يااااااريتني كنت معاهم...


القراصنة حرموا يقربوا من المصر
تصدقوا ان القراصنة لما بيشوفوا مركب مصرى معدية بيقولوا ياساتر يارب اللهم اكفنا شرها وشر اللى فيها عشانهم عارفين المصريين مفيش من وراهم فايدة على رأى المثل جبتك ياعبد المعين تعينى لقيتك جعان وعايز تتعان


بيدى لا بيد عمرو
يا جماعة الحكومة برضه ليها الفضل وعملت جهود كبيرة وكمان كده بتعلم المواطنين الاعتماد عالنفس بدل ما تدفع فدية وتبقى كده بتشجع البحارة أنهم يتخطفو .. أقترح أن الحكومة تدفع الفدية للخاطفين وبعدين تقسطها على المخطوفين على كذا سنة وبكده كل بحار يتخطف وهو مستريح



احسن حل
لازم نحتل الصومال لحسن بقى عندهم فلوس كتير قوى من القرصنة دى واهو نبحبح على نفسنا شوية ...وبعدين نديهم حكم ذاتى و نسمح لهم بممارسة استخدام اللغة الصوالية بس يدونا نص ايرادات القرصنة .


اريت البحرية المصرية تشتغل هى كمان فى القرصنة و اهو يدخلو عملة صعبة للبلد ...لحسن من بعد حركة ايلات ماشفناش منهم اى منفعة و مقضيينها صيد و سباحة .



دلوقتي يقولك اللي حرر السفينة أعضاء في الحزب الوطني
الى الامام يا مصريين