لسلام عليكم و رحمة الله و بركاته

___

طبعا" احنا عارفين ان أعضاء الجسم بترتكب الذنوب يعني ببساطه الاييد بتسرق و العين لما مبنغضهاش بترتكب الذنوب برضوا
حنتكلم ف التوبيك ده عن عضو نئدر نؤول عليه انه أكتر عضو من أعضاء جسمك يا انسان بيرتكب الذنوب و من غير ما نحس بيه و ممكن كمان من غير ما نكون اّصدين
هو ايه ؟؟
طبعا" انتوا عارفين من اسم التوبيك ... اللسان
بنكدب بيه عشان نخلص نفسنا من المشاكل و العتاب , بنغتاب بيه الناس و بنم عليهم و بنفضل ليل نهار عمالين ناكل ف لحمهم
قال الله عز و جل ف كتابه الكريم

{وَلاَ يَغْتَب بَّعْضُكُم بَعْضاً أَيُحِبُّ أَحَدُكُمْ أَن يَأْكُلَ لَحْمَ أَخِيهِ مَيْتاً فَكَرِهْتُمُوهُ}
سورة الحجرات: 12

هو ده اللي بنعمله بلساننا و بس ؟ لأ طبعا" في حاجه كمان و دي بجد من اخطر الحجات اللي أغلب الناس مش عارفين يبطلوها وهي
الشتيمه _ السب
و اّاّاّه من الشتيمه اللي عمّاله ترجعنا ورا كل ما بنتقدم و بتزعل الناس مننا و بتملي قلوبنا تراب و بتبعدنا عن ربنا
____
اللسان .. أكتر حاجه بوصي نفسي قبل ما أوصيك انك تخلي بالك منها و انت صايم
وبما ان لسانك من أهم الحجات اللي لازم تخلي بالك منها وانت صايم و اللسان هو أكتر حاجه بتركبك الذنوب يبقى لسانك نص صيامك الجم لسانك ف رمضان عشان تحافظ على صيامك و طبعا" مش كلنا جامدين اوي كده عشان نئدر نلجم لساننا ف رمضان عشان كده حديك نصيحه كمان و هي انك تملي و قتك بالذكر و حاول تفكّر نفسك بان لسانك هو نص صيامك و حديك فكره كمان و هي انك تعلق ورق عالحيطه او على مرايتك مكتوب عليها لساني نص صيامي مثلا" عشان تفتكر
حديك فكره كمان عشان تفتكر مبدأك ف رمضان و هي انك تفضل اغلب الوقت ماسك سبحه ف ايدك مش مهم حتستعمل اي فكره من الأفكار دي المهم انك متضيعش صيامك المهم انك تحافظ على قلبك طول رمضان نضيف و اكيد لو التزمت بده طول رمضان حتتعود عليه و ان شاء الله حيفضل لسانك بعيد عن كل حاجه بتبعدك عن ربنا , التزم بالمقوله دي * لسانك نص صيامك * و خليك فاكرها
خليك أرض ثابته مفيش حد يئدر يهزك و ينرفزك او يعصبك و يخليك تهدم الجمله دي خليك ثابت . خليك جامد , و سدأني تئدر تعملها بس استعين بربنا و اصبر

اللهم انا نسألك ان تقينا من ذنوب ألسنتنا و احمينا منها

اللهم انا نسألك ان تبلغنا رمضان