السلام عليكم ورحمة الله وبركاته
ازيكوا يا احلى نجعاوية
انا لسة عضوة جديدة هنا
عوزاكوا ترحبوا بيا جامد
وياريتت تساعدونى ى حل مشكلتى
اوعوا تكسوفونى عشان خاطرى
احسن اطخكوا بالنار
بصوا يا جماعة
ابن خالتى بيحبنى اوى وانا كمان بحبه اكترما هو بيحبنى
والحمد لله احنا متفاهمين جدا ومتسامحين

ومستعدة اعمل اى حاجة عشان يفضل جنبى وميزعلش منى
لانه اول حب واخر حب فى حياتى
هو حاكى لامه واخواته ومرحبين بيا جامد
وبصراحة خالتى واخواته بيعاملونى معاملة حلوة اوى اوى اوى وعمرهم ما عملوا معايا حاجة وحشة
كانى بنتهم واكتر
ماما كمان انا حكتلها
بس هيا معترضة شوية
عشان فى فروق ما بينا
يعنى انا طالبة فى كلية هندسة وهو معاه دبلوم صنايع
مع ان دماغه بمية معاهم شهادات من كليات القمة
وبيعرف يتعامل مع الحياة والناس حلو اوى
يعنى والله لما اتكلم معاه بحس كانى ولا حاجة بخبرته وطريقة تفكيره وحكمته للامور
وكمان مستواه المادى اقل مننا
وهما كمان عايشين فى الارياف واحنا فى اسكندرية وبتقولى انك مش حتقدرى تعيشى هناك
وهو سافر اليونان عشان يشتغل ويجيب فلوس
يعنى عشان يحسن مستواه المادى
ويقدريتقدملى وقلبه جامد
ويقولى انا شاريكى وعايزك مهما حصل
وحتكونى لية مهما كانت الظروف
فانا حاسة ان خلال سفره
لو اتقدملى عريس مناسب حيوافقوا عليه وهو بعيد مش عارفة ساعتها حعمل ايه
انا عوزاه بجد
ده انا عملت معاه اللى عمره ماعملته لحد
ده كنت ليه كانى جارية واكتر وضحيت بكرامتى عشانه
واقول هو الراجل
لانى بجد انا بحب شخصية سى السيد اوى اوى
ونفذتها معاه
وبجد هو احترم ده وقدر
انا مش عارفة اعمل ايه مع اهلى
مع انى ساعات بفكر بعقلى واقول انهم عندهم حق يعنى انا بنتهم الكبيرة وعوزين ليا احسن عيشة
بس لما بفكر بقلبى مش بقدرانساه ابداااااااااا
لانه كل حاجة فى حياتى
قولوى اختار مين
قلبى ولا عقلى
وياترى الفلوس والشهادة هما اللى حيضمنولى حياة حلوة ولا الحب والاحترام والتسامح
انا محتااااااااااارة ساعدونى