انا بجد نفسى اقول لكم حاجه

دايما بنقول ليه اشمعنى البنات هما وهما

اظن احنا مش هانقدر نغير المجتمع اللى احنا عايشين فيه


هافهمكم الموضوع

معظم الناس تقولك :

لما البنت بتغلط مع ولد

يقولك ان البنت مش محترمه

والولد بيسيبووه

والبنت لما بتتكلم مع ولد بتبقى قليلة الادب

لكن الولد بيبقى صايع

ولما ولما ولما

========================

احب ارد انا بقى على الاسئله دى

اولا : احنا فى مجتمع لازم نبقى عارفين كويس اوى

انه المجتمع بالنت والتلفزيون استحاله نغير طريقة تفكير الناس

وفى حاجات تانيه اسمها عادات وتقاليد

وفى حاجه اسمها اصول

وغيرها من الحاجات التانيه

وبرده الولد مش بيتساب ولا حاجه

هى حكايه اختلاف النظرة

لما نيجى نحاول نغير من المجتمع

نغير بافعالنا مش باقوالنا

=============================================

يعنى لو عايزين نزور مريض

اخد جيرانى واقولهم انه مريض عايزة ازوره علشان ييجو معايا

كدا ابقى اسمى غيرت

لما يبقى فى ناس جديده جايه العمارة

اخد جيرانى واقولهم ننزل نفرش معاهم الشقه علشان العلاقه بيننا تبقى طيبه من الاول

كدا ابقى اسمى غيرت

لما الاقى العمارة مش نضيفه

اقول للجيران ننزل ننضفها مع بعض

كدا ابقى اسمى غيرت

========================================

مش اجى اتكلم على النت وعلى التلفزيون واقول انا كدا غيرت

اه انت كدا غيرت

لكن...

كام واحد قراها او شافاها

بلاش كام واحد قراها

انت غيرت حواليك ؟؟؟

هل انت استفدت بالتغيير دا ؟؟؟؟

هل انت شايف التغيير دا حواليك ؟؟؟؟

================

انا ماقدرشى انكر ان الناس اللى على النت هاتحترمك وتحبك وعلى التلفزيون ..

لكن ...

انهى احسن ؟؟

لما اللى على النت يحبوك

ولا اللى حواليك ؟؟؟

===============

نرجع لموضوعنا تانى

اختلاف النظرة من البنت للولد

لاننا مش اجانب

احنا مش عايشين فى بلاد برا

حتى يقولولك لما تسافر اعرف عن شعب البلد اللى انت مسافرلها

علشان تقلدهم وماتبقاش مختلف عنهم

طب فين بقى؟؟؟

نظرة المجتمع بتاعنا لكل فصيله ونوع وطبقه مختلفه

احنا هنا فى مصر

البنت لو غلطت ما حدش بيسامحها لا اهلها ولاجيرانها ولاهاتتجوز ولا ولا ولا الخ....

وما ينفعش نيجى نغير من النظرة دى لانها صح

البنت غير الولد

ولازم نفضل فاكرين انه دا فى مجتمعنا

===========================

وكمان مانقولشى البنت زى الولد

البنت عمرها ما كانت زى الولد

كان بقى زمانا بنقول على الراجل يخلف والست تشتغل

ولا ايه ؟؟؟؟؟

لو كان البنت زى الولد

ما كانش ربنا خلقنا نوعين مختلفين لكل واحد دور

فى دور قبل الجواز "للاهل" وفى دور بعد الجواز "للاسرة"...

الفكرة هنا

هى اختلاف نظرة المجتمع لبنت والولد

البنت ليها نظرة والولد ليه نظرة

===========================


والبنت تفتكر انها شايفه الافلام الاجنبى

ممكن يبقى فيه حاجه اسمها:

بوى فريند

وجيرل فريند

يبقى احنا متخلفين

=============================

لا البنت عندنا عود كبريت

او اشتغل وانطفأ استحاله يتولع تانى

يا اما يتولع من نصه "يعنى من نص عمرها"

لكن فى اعواد كبريت تانيه بتولع لحد اخرها وتنطفى لما العود بيخلص

فى اغلب الاحيان بينطفأ عود الكبريت لما بيكون فى مكان مليان هوا بثانى اكيد الكربون

يعنى هوا ملوث

يعنى بيئه ملوثه

========================

البنات هنا لازم تتكيف مع البيئه اللى حواليها

وماتفكرشى فى انها عايشه برا

=======================

دى بعض الامثله على نظرة المجتمع

اما لو عايزين نساوى بين الولاد والبنات

يبقى: ... الست

تخلف ، تخش الجيش وتحارب ، تشتغل وتصرف على اللى حواليها ، وفى نفس الوقت ، تكون مؤدية واجب بيتها .
من طبيخ ، وغسيل ، تربيه عيال ..

والراجل ..

يخلف ويطبخ ويغسل ويربى العيال ، ويخش الجيش ويشتغل ويصرف على اللى حواليه

انا عايزة منكم انتو ردود


عايزة اعرف ان كان رائى صح ولا لا