السلام عليكم ورحمة الله وبركاته
ازيكم احبتي في الله
كل عام وانتم بخير بمناسبة شهر رمضان الكريم
اللهم بلغنا رمضان
صايم واللا زي كل سنة
دي كلمة دايما بنقولها لبعض يعني افتكاسة كده
يا ترى بقى انت صايم واللا زي كل سنه
اكيد هتقول هي دي بتخرف واللا ايه
هقول لك اهدى علي
انا بس عاوزه اسأل انت ناوي تصوم بجد
عن كل المعاصي والشهوات واللا طعام وشراب بس
حاجه كده عشان ابقى صايم
ناوي تمسك اعصابك ومتتهورش
ناوي تتصدق
ناوي تخرج الذكاة
ناوي تصلي التراويح
ناوي حاجات كتير
واللا ناوي على المسلسلات
والاغنيات
والافتكاسات
والحركات
مش ناوي تصوم عن اذية الناس بالشئ المرعب اللي اسمه صاروخ
حسبي الله ونعم الوكيل في اللي بيعملوه في الناس
الواحد بيبقى ماشي مرعوب وخايف تجي له سكته قلبيه
احنا عارفين ان المسلم لا يروع اخاه المسلم
قول لي بقى انت صايم واللا زي كل سنة؟؟؟