ازيكم يا نجعاوية منورين والله...
بصوا دي طريقة كيكة اسمها ماعرفتش احفظو احسن صعب شوية...
المهم الطريقة دي انا واخداها من واحدة سورية هي مقادير غريبة شوية بس بجد انا عملتها مرتين رووووووووووووعة...
اسمعوا كلامي بس وجربوها بجد البيت كلوا هيتجنن عليها...
كمان شكلها شيك اوي...يعني لو في عريس جش ولا حاجة ممكن تعمليهالو عشان تثبتي جدارتك

بصوا معايا وركزوواااااا

المقادير......4بيصات
كوباية ونص سكر
كوباية الا ربع زيت
كوبيتين دقيق
معلقتين قرفة مطحونة
2جزر
1تفاح
معلقة ونص بيكنج باودر
رشة بيكربونات الصودا
فانيلا
كوباية عين جمل مطحون خشن اول وز الي موجود عندكو بالبيت




نيجي بقى للطريقة....ركزوا معايا...
نخفق البيص لمدة 10 دقايق جامد
ونحط عليه شوية الفانيلا وشوية بشر برتقال عشان يديلوا ريحة حلوة
وبعدين نحط السكر حبة حبة
ووراها نحط الزيت حبة حبة بردو...ده كلوا واحنا لسه بنصرب بالمصرب الكهربي...
بعد كدا ننخل الدقيق عليه شوية شوية عشان ما يتجمعش ويعمل كتل....وننخل البيكنج بودر والقرفة ورشة البيكربوناتو
عايزة اعرفكم بس ان البيكربوناتو والبيكنج مهمين اوي عشان الكيكة تبقى هشة وحلوة...
بعد كدا نبشر الجزر والتفاح ونقلبه في نفس اتجاه التقليب بتاع المصرب الكهربي بس هنقلبوا بالمعلقة عشان ما نهريش الجززر والتفاح....ماشي....
نمسح الصينية بشوية زيت ونرش عليها دقيق...
ونصب الكيكة فيها....المعاير دي لصينينة متوسطة الحجم وتكون حوافها عالية...
بعد كدا نرش عين الجمل المبشور بشر خشن على الوشن...
طبعا احنا نبقى مشغلين الفرن قبلها على العالي عشانن يسخن...
واول مانحط الكيكة نوطي النار على الاخر...
هي بتاخد في الفرن تقريبا كدا ساعة الا ربع...ماتستعجلوش على طيابها لان جواها جزر وكتفاح لازم تاخد وقتهاااا



معلش انا طولت بس حبيت افيدكم بالتفصيل


تحياااتي وقولولي ايه الاخبار