ازيكوا يا نجعاوية
عاملين ايه فى رمضان /wik
يا رب تكونوا كلكوا بخير
انا بعد ما شفت حلقات عمرو خالد من برنامجه ( قصص القرأن ) الجزء التانى , و قلت ان احنا السنادى فى رمضان عايزين نعمل حاجة جديدة فعلا , زى ما الاستاذ عمرو خالد بيقول , و عشان كده انا جاتلى فكرة و قلت احطها هنا فى النجع الى تعجبه ينفذها , و تبقى صدقة جارية ليه , الاستاذ عمرو قال فى برنامجه ان فيه حملة جديدة اسمها( سنحيا بالقرأن ) هتبقى فى رمضان عشان نختم القرأن بإذن الله عشرو مليون ختمة
بس مش كتير ؟
لا طبعا مش كتير لان الى بيتفرجوا عالبرنامج كتير و الى هيقولوا لقرايبهم و صحابهم و الذى منه الخ ....
و طبعا الحملة دى ليها ستيكر على موقع عمرو خالد الى هو www.amrkhaled.net للى ميعرفهوش
و عشان كده يا جماعة و من منطلق اننا نعمل حاجة عايزين كلنا ان شاء الله على الاقل نختم خاتمة واحدة فى رمضان , مش هقول اتنين ولا تلاتة , خليها واحدة بس نختمها و ندخل على موقع الاستاذ عمرو و نسجل الخاتمة دى عشان ان شاء الله نحصل العشرة مليون ختمة , و نبقوا اكتر ان شاء الله . دى اول حاجة ,
تانى حاجة انا قلت يعنى كده ممكن كل حد عنده برينتر فى البيت لو دخل عالموقع و طبع من الستيكر بتاع الحملة عشر نسخ بس و نزل علقهم فى الشارع بتاعه و الشوارع الى حواليه , هنعرف الناس كلها بالحملة ( للى ميعرفهاش ) و هتبقى صدقة جارية لكل واحد , و ناس اكتر هيختموا القرأن باذن الله و الثواب كله هيرجع لصاحب الستيكر و اللى طبعه , عشان كده يا جماعة انا قلت اقولكوا الفكرة دى و قولوا لى رأيكوا فيها , و فعلا لو كل واحد طبع عشر نسخ بس , شوف كام واحد فى النجع عيطبع و يعلق , و طبعا مش يطبع و يعلق , و هو ذات نفسه مختمش ولا ختمة , لازم نبتدى بنفسنا الاول , فاحنا نطبع و نعلق , و نختم قرآن ان شاء الله و ندخل نسجل ختماتنا عالموقع عشان باذن الله نكسر رقم العشرةمليون ختمة و يبقوا عشرين كده ولا تلاتين .
و معلش يا جماعة اذا كنت طولت عليكوا بس تعملوا ايه بقى

و كل سنة و انتوا كلكوا طيبين


ودا لينك الجروب عالفيس بوك

http://www.facebook.com/home.php#/gr...6842782&ref=mf