[size=11pt]
كفااااااااااااية خلااااااااااااااص تعبت أنا مش قاااااادر تعباااااااااااااااان




****************************** ********


الثلاثاء .. مشوار مهم جدا



ساد الصمت ذلك المكان المنزوي من "عزبة القرود" وخيم الظلام علي أرجاء المكان .. ولم يكن هناك الا صوت أقدامي أنا واحمد اخي .. والذي بدا شاحب الوجه مرعوبا لدخولة الي مثل هذه النطقة لأول مرة..



توجهنا ناحية أحدي العشش الصفيح .. طرقت الباب ثلاث مرات متتالية ثم دخلنا .. حيث حجرة مظلما تتوسطها مجمرة يتصاعد منها الدخان وقد تسلطت عليها الأضواء الحمراء وجلس وراءها هيكل مظلم لرجل طويل اللحية يرتدي مجموعة من السلاسل الخشبية والعاجية وبيده عدد من السبح وقد ارتدي عباءة سوداء مهلهلة .. ثم قال لنا بصوت جنائزي مخيف "اتفضلوا .. أيش طلباتكم ؟ .. عايزين اية؟ " هتف احمد" أنا مش عاوز حاجة أنا عاوز أروح" .. صرخ فيه " ألزم مكانك انت فاكر دخول الحمام زي خروجة؟" أجبت بسرعه : سيبك منه ياعم الشيخ ، أنا هقولك احنا عايزين اية .. مش انت ياعم الشيخ بتعمل أعمال تخلي ناس تحب ناس .. وناس تكره ناس ؟ في هدوء مسرحي : يابني أنا مابعملش حاجة .. دول الأسيدا هو اللي بيعملوا .. أنا مجرد وسيك بينهم وبينكم.



أجبت: طيب ياعم الشيخ .. انا عايزك تعمل لي عمل يخليني أكره الفرحة علي البنات في الدش .. عايز أشوف نانسي عجرم أوحش من زينات صدقي .. عايز روبي تبقي في عيني ماري منيب أو حتي عبد الفتاح القصري .. أنا تعبان أوي ياعم الشيخ .. تعبــــــــــاااااااان ...



هوهفي صوت منخفض : ومين سمعك يابني



بتقول حاجة ياعم الشيخ



لالا .. ولا حاجة ... طلبك مجاب .. وعيشتك هباب



ثم أغمض عينية وأخذ يتمتم : الشات الشات يا أبو البنات .. مرجانة يامرجانة العيال تعبانة .. هيفرقعوا من ميلودي وروتنان .. جندهار ياجندهار .. ولعوا ف الدش نار ..ثم نظر الي فجأه وقال : قوم يابني الأسيدا وفقت .. وهتعملك العمل .. بس ليهم شويه طلبات .. هتجيب لنا ورك نملة تكون مابتخلفش .. وعشرة متر من سلك دش .. واتنين كامة .. وحلية عرجة في وشها علامة .. وتفوت عليا بعج اسبوع أديك الحجاب .. تعلقة علي التليفزيون أو من ورا الباب..



قلت له " ربنا يخليك ياعم الشيخ .. عايز كام؟



يابني انا مابخدش حاجة .. دول الأسيدا .. سيب ألف جنية مع زعتر برة ..



شكرتة وهممت بالخروج .. ولكنني فوجئت به ينادي علي : كابتن .. كابتن .. مالاقيش معاك سيديهايه .....!!!!
[/size]