عمرك سألت نفسك إنت عايش لية

بتصحى من النوم الصبح علشان تنام بالليل

عمرك صحيت من النوم وقلت أنا هعمل إنهردة كذا وكذا وكذا علشان كذا وكذا وكذا ولا هو كذا وخلاص

بتصحى من النوم تاخد المصروف وتروح الجامعة

تعاكسلك بنتين وتجيبلك سندوتشين ويمكن ربنا يهديك و تحضر محاضرتين

عمرك حاسبت نفسك آخر اليوم وقولت أنا عملت إية صح إنهردة وعملت إية غلط

عمرك كان ليك هدف محدد فى الحياة عايز توصلة

طيب عايش من غير هدف إزاى أو عايش لية هو دة سؤالى ؟؟؟

هتقولى إزاى يابنتى أنا عايش علشان حاجات كتير

هقولك زى إية هتقولى حاجات كتير والله

يا عم معلش قولى بس زى إية ؟؟؟

هتقولى بذاكر علشان أخلص الجامعة وأتجوز وأخلف ويبقى عندى عيال

وأدخل عليهم بالبطيخة والجرنال وكيس اللحمة

ياااااااا دة إنت بتتعب موووووووووووووووووت

طيب وبعد دة كلة عملت إية هتقولى خلاص أنا هعوز إية بعد كدة

طيب وبعد كدة هتموت ويبقى عملت اللى عليك صح

لكن سبت بصمة فى الحياة

هتقولى آه أنا سبت البصمات بتاعتى فى المركز وأنا بقدم ورق الجيش

لالا لا وفى يوم تانى كنت بتخانق ودخلت المركز وأخدة بصماتى

يابنى مش قصدى

أنا قصدى إنت عملت إية للبلد دى أو عملت إية لنفسك قبل ماتموت
يعنى إنت فين من طه حسين أو أحمد زويل

و زكى جمعة مين زكى جمعة دة

أعتقد إنت فهمت قصدى إية؟؟

ياريت تحدد هدفك من دلوقتى وتعرف إنت عايز إية بظبط ؟؟؟؟؟

وتبدأ سنة جديدة مليانة أهداف مش كلها سندوتشات



ياريت الموضوع يعجبكم