بسم الله الرحمن الرحيم


لو بتتفرج على اى حاجه على التلفزيون
تتفرج خمس دقايق وتلاقى ربع ساعه اعلانات
فبضطر تتابع الى كنت بتتفرج عليه
لانه ممكن يكون برنامج او حاجه مهمه
وبكده غصب عن .....! بتابع الاعلانات دى





المهم:
تيجى على اعلان لمسحوق غسيل
يحطلك على قماشه بيضا شكولاته عل فراوله على مانجه وعليهم شويه حبر
ويسبهم ساعتين وبعدين يكويهم وينشفهم
تحس انه هيعمل تجربه هياخد عليا نوبل
وفى الاخر يقولك رغم كل البقع دى بنتحدى اى مسحوق تانى انه يقدر يطلع البقع


وينقعلك دى فى مسحوق عادى والتانى فى مسحوق الاعلان
وده يطلع ابيض زى الفل اجدد من الاول
والى بمسحوق عادى تحس ان القماشه بقالها 200 الف سنه متغسلتش
واكنها طالعه من بق DOG :hump:



اهنو مسحوق غسيل ده بيطلع بقعه الحبر ولا المانجه
مستحيل! وانا بتحدى بقى


..........................
طب تيجى مثلا لمنظف غسيل اطباق
يعملك اعلان فضلوا يصوروا فيه 3 سنين
زى متقول كده الاعلان ده كان عزومه بس ل500 مليون شخص
مش عارف جابوا الناس دى كلها منين
و500 مليون طبق كانوا بياكلوا فيهم
ويقولك نقطه واحده من بيرل المركز يقضى على الدهون
ويفضل يرصلك بتاع 200 مليون طبق فوق بعض
لا وتحس والله ان الاطباق لسه خارج من المصنع حالاً بيضاااااااااا
انا مش عارف اهنو منظف ده الى بنقطه واحده بس يغسل كل الاطباق دى
على كده بقى الازازه لمفروض تقعد 20 سنه قدام



عندك اعلان عن الجبنه
يجبلك اتنين قاعدين كده واد وبت صغيره
وفجاه كده سبحان الله يعنى
البت تاكل حته جبنه تلاقيها كبرت 20 سنه قدام
طب الحمد لله انه كلت حته صغيره لو كانت كلت القطعه كلها
كان زمان بقى عندها 80 سنه



تيجى بقى للاهم
اعلانات الجوايز
يقولك افتح خربش الكوبون



هتكسب 50 مليون جنيه
او عربيه
ويفضل يغريك بحاجات
وحنا مشكلتنا اننا بينضحك علينا بسرعه اوى


ويقولك جمع الشكل تكسب عربيه
تفضل 20 سنه تشترى
وفى الاخر ربنا يكرمك وتكون جمعتلك يدوبك العجلتين الى ورا
يقولك خلاص المسابقه انتهت


ولو لو لو جمعت الشكل والعربيه
طبعا هتديها للورثه بتوعك
بس مش دى المشكله تروح بقى تستلم العربيه
يقولك اتفضل ادى العربيه اهى
وانت يغما عليك وتموت
عارف ليه















لأن المسابقه طلعت على عربيه اطفال لعبه



يبقى احنا شعب تافه ولا مضحوك علينا