!!//**يا صباح الحاجات الكويسة **\\!!

اية يا معلم ضحكوا عليك يا صاحبي

ضحكوا عليك يا باشا و قالولك النجاح سهل لكن البقاء في القمة صعب

لا يا برنس

التصحيح التاريخي العظيم للمقوله الملفقة دى

ان النجاح صعب لكن البقاء في القمة سهل

لان بص يا باشا

عندك مثلا فنانين طلع 3 تيت اللي جابوهم

وحتى لو عمل عمل مليان اسفاف و تفاهة و حتى لو طلع ملط

برضة جنب اسمه على الافيش النجم او الفنان القدير

سيبك من حكاية الفن باعتبار انها قسمة ونصيب ومش معيار لاي حاجة

الصحافة تلاقى كتاب كبيرة بقالهم اكتر من 30000000 سنة بيكتبوا

و لما تيجي تقرا الجريدة مش بعيد تلاقى عنوان ينبهك ان الكاتب الكبير كاتب النهاردة في موضوع كذا

ومهما كان الكلام رجعى وسطحى و احتمال تكون قريته في اي حتة

لانك هتطلع جاهل ومش فاهم المعانى العميقة اللي يقصدها الكاتب الكبير

ولو شتمته عمره ما هيهتملك لانه من سكان القمه و عمره ما هيبص لواحد من سكان القاع زيك

وسيبك من الصحافة و الاعلام باعتبار انها ارزاق و ملناش دخل فيها

مافيش غير واحد بس قدر و بصعوبة انه يوصل للقمة

دة حتى شخبطة ايديه بتحدد مستقبلك

وسيبك من الحكاية دي باعتبار انها بتودى في داهية

يبقى اعرف راسك من رجليك سيبك من حكاية ذاكر لانك كل ما هتذاكر هتتعب وبرضة هيجي

واحد مسرح شعره على جنب ولابس نضارة و مش بعيد يبقى مركب مقوم سنان

ياخد مكانك دول بيدوسوا في بطن الواحد ويكبتوه

ومن ضمنهم الاب اللى بيطلع عين ابنه بدافع الحب

والعيلة اللى احتمال الواحد يطق من جنابه منها

و دى رسالة لحد عزيز عليا يا رب يكون قراها