سلام عليكم

اولا انا غير مؤهلة انى اكتب الكلام دة بس انا هكتب اللى فى قلبى ودى تعتبر نصيحة و ربنا يتقبل منى انا مش عمرو خالد انا مش مصطفى حسنى انا بقولكوا اللى فى قلبى بمناسبة رمضان.


علاقتنا بربنا بتتقوى بتلت نقط ..:

الحب

لازم نحب ربنا لان احنا بنحس معاه بالامان ولان احنا مهما عملنا مش هنوفيه قدره وعظمته و لازم يبقى قلبنا عالى مع ربنا بالراحة النفسية والسعادة ونفسنا صغيرة ادام عيوننا مينفعش نتكبر لازم نفتكر ان احنا ولا حاجة فى الكون دة لان لو اتكبرنا يبقى دخلنا فى سكة المادية و فقدنا روحانية القلب ممكن نوصل للكفر و العياذ بالله ودة قمة البعد عن راحة القلب و النفس

الطاعة

لو حبينا ربنا بجد يبقى لازم نطيعه ونثق فى حكمته من غير ما نفكر فى الامر اللى امرهولنا لان طاعة ربنا دايما فيها راحة نفسية لينا


الثقة

لازم نثق فى ان وعد الله حق منسلمش نفسنا للشيطان عشان (مياخدش علينا) لانه مداخله كتير واحيانا بيتفلسف ويدخل من مداخل دينية ... و لما تثق فى ربنا هتحس بالامان لانك مع القوى العزيز الجبار

معلشوا انا عارفة ان دة كلام عادى انتوا عارفينه اصلا بس اللى بيطلع من القلب بيوصل للقلب


سلام عليكم