ازيكم يا نجعاوية انا معايا شوية امثال مصرية "شاعرة يا اولاد"...هوا ترث وفيه حاجات فعلا ممكن تكون صحيحة مية المية

أكل فول و أخرج قفاي عرض و طول و لا آكل كباب ووقفة الديانة ورا الباب

اترك الهم ينساك و ان افتكرته ضناك

اتعلم الكرم من البخيل

احنا كده يا ستات عينا فيه كخ عليه

أخبار البلد مع مين ؟ مع العمى و المكسحين

أدعي على ابنى و أكره اللى يقول آمين

اضحك و انشرح و اوعى صابعك ينجرح

اطبخ يا عبد كلف يا سيد

اللى تكره وشه يحوجك الزمان لقفاه

اكنس بيتك و رشه ما تعرف مين يخشه

اللى تحمل همه ما يجيش أحسن منه

ان كلت كل و اشبع و ان ضربت اضرب و اوجع

برة وردة و جوة قردة

بنى آدم فيه طبع و الطبع فيه غالب ديل الكلب ما ينعدل لو علقت فيه قالب

تحت البراقع سم ناقع

جت العازبة تشكى لقت المتجوزة بتبكى

الحسن و الجمال زمانه بينقضى و العقل و الحشمة خيار البضايع

حطى جوزك فوق السطوح ان كان فيه خير ما يروح


الحما حمة و لو كانت ملكة من السماء



خليكى يا ما حبتينا خليكى نشكى علتنا


خليك ورا الكداب لحد باب البيت



الدم ما يبقاش ميه

الدنيا دى أشغال شاقة و آخرتها اعدام


الدنيا حظوظ و مزاجات

الدنيا غدارة و اللى متغطى بيها عريان


كفاية كده......

اشوفكوا قريب

مستنية ردودكم