الغضب لية سمعة سيئة بالظبط

زي الكلستيرول بالملى

لان الناس متصورة ان الكلستيرول بمطلقة مضر للصحة

مع ان لازم يكون فيه حد من الكلستيرول

علشان يبقى فية طاقة في الجسم

الغضب عند الناس هوا الخطيئة الضئيلة

لكنى شايف ان الغضب هوا الفضيلة الغائبة

لان زي ما الغضب بيولد شر ممكن يحمى خير

يحمى خير لما الغضب دة يكون لحق

او للكرامة اللى بقت ارخص شئ عندنا

او حتى علشان يحقق العدل لازم يكون فوقية غضب بيحميه

لازم نغضب من اللي بياخد حقنا

لازم نغضب لما نلاقي واحد بيحرق بلد

علشان فيها واحد قتل ابنه

لازم نغضب لما نلاقي واحدة قتلت جوزها

علشان بص لواحدة تانية

بس مش الغضب اللى بيولد الحقد

لا الغضب اللى بيولد الحكمة

ولازم وزارة الصحة توزع ورق و تعمل اعلانات وحملات

زي بتاعت شلل الاطفال للتوعية بالغضب و فوايدة واضراره

وتكتب فيها

من الضرورى ان نغضب احيانا