//**السلام عليكم يا نجعاوية* *\\


الاختلاف هوا ان حد يكون فية حاجة تقريبا مش في حد غيره

و احنا كشعب مصر اللى احنا بتاع 80 مليون بنى ادم كلنا مختلفين

لان مافيش حاجة اسمها شعب مصر لاننا تقريبا مش مشتركين ف حاجات كتيرة

غير اننا عايشين في مصر وبتعلم فيها........ الخ

المصريين هما 80 مليون شعب

مش شعب واحد الناس موجودة بس محدش بيقول لا

على الفساد او على الظلم او حتى لما يكون مش عاوز ياكل هتاكل غصب عن عين اللى جايبينك


دى كانت مقدمة للموضوع هيا اكيد مالهاش لازمة في الاول بس هتعرف في الاخر


بص يا باشا وصحح لان من هنا الكلام اللى انت داخل عشانه اوكيش

اول حاجة نفسي اعرف مين اللى قال ان الكلام ببلاش

مين عنده القوة و القدرة انه يتكلم في زمن مافيش فيه غير الخرس و السكوت

مين معاه فلوس يشترى لسان يتكلم بيه و مخ يفكر في الكلام اللي هيقوله

بالزمة مش كل دى مصاريف علشان الواحد يتكلم

طب جرب كدة جرب و اكتب على لوحة كبير نعم ما تقولش نعم لاية ولا لمين

بس جرب و شوف مظاهرتك الفردية دى هتوصلك فين

و جرب برضة تكتب لا برضة مش لاية و لا لمين

ساعتها بس هتعرف ان الكلام عليه ضريبة

و ضريبة غالية دى كلمة واحدة ممكن توديك ورا الشمس

وكلمة ممكن تخليك طول عمرك في الظل و الطراوة

اى كلام هنا في se7o.com ليا او لغيري متكلف

تعب و تفكير و احنا اللى حطينا علية دعم علشان يوصلك

ارخص من رغيف العيش

و انضف من زيت التموين و احسن من شاي التموين

اتكلم اتكلم وقول قول علشان ما يبقاش اللى جه بلاش راح بلاش

اتكلم يا مواطن وقول

اتكلم و عبر وشارك

وفي الاخر بقولك يا مواطن اتكلم علشان مايبقاش المجهود دة لينا راح هدر

اتكلم علشان كلامنا دة ما يبقاش مالوش فايدة



اتكلم