السلام عليكم ورحمة الله وبركاته

كل سنة و انتوا طيبيييييييييييييين و نشوفكم دايما فرحانين و فى رمضان واكلين و تخنانيين ...

وليكن شعاركم فى رمضان

كل فى رمضان كتير....تلاقى نفسك فيل من الحجم الكبير

وبمناسبة قرب حلول شهر رمضان المعظم قررنا نحن /زهرة الإسلام

أن ننقل "لكم حلقا ت تو يوميات عن............








شبشب. ..ومش اى شبشب







شبشب و بوصوبااااااااع كمان....... :] :]

اكيد كل واحد فينا قرا قصص قبل كدة و تقمص شخصيات ابطالها..


بس لما يكون البطل شبشب و بصباع كماااااااااااان


فأكيد الأمر هيبقى صعب شويتين...

ياترى ماله الشبشب؟؟ و ايه اللى خلاه بصباع؟؟؟ وياترى إيه اللى هيحكيه لينا؟؟

و إيه هيقولهولنا عن طفولته ؟؟؟ ايوة طفولته ما تستغربوش كدة...يعنى هى دى اللى صعبة ؟؟

يعنى هو فى شبشب بيتكلم اساسا لما يكون له طفولة ؟؟

ها......استعدوا لليوميات و احذروا تقمص الشخصيات

== ذكريات الطفوله ==


في الحقيقة وفي الواقع والسوق مليان شباشب
يتنحنح شبشب أخر مجاور له فيقول :
ما احنا عارفين ان السوق فيه منا كتير يا ابو الشباشيب ماتدخل فى الموضوع عالطول من غير لجلجة ...

رمقة الشبشب ابو صباع بنظرة جانبية كادت ان تخترق جلده و تسيحه تسييح .
ثم قال :
مانت لازم تعذرنى بردوا يا يا بو كبسون "على اساس ان الشبشب بيتقفل من قدام بكبسون يعنى خليكوا صاحيين معايا ", دى اول مرة اكتب فيها مذكراتى يا جدع .

يجيب عليه ابو كبسون و قد أخذته العزة بالشباشب قائلا:
وفيها إيه يعنى لما تكتب مذكراتك و لا يومياتك حتى يابو صباع , ما الكل بيكتب إشمعنى يعنى انت , و الا عشان انت يعنى شبشب...

تنحنح الشبشب ابو صباع قائلا بصوت خفيض :
وبصباع يا ابو كبسون بصباااااع ماتنساش دى كمان...

رد ابو كبسون و فى وشه غباوة ما شوفتها على حد قائلا :
واياكشى حتى تكون بصباعين مش بصباع واحد , يلا اكتب و على راس الشباشب كلها فى المنطقة العربية كلها و اثبتلهم ان احنا احسن من شباشب الغرب الى لغاية دلوقتى ما سمعنا عنهم ان شبشب منهم و لا حتى جزمة من جزمهم كتب يومياته.

تنهد الشبشب ابو صباع تنهيدة طويلة ثم عدل من نظارته و ...."نضارة ايه بس مش تفكرونى انه شبشب يا عالم " .....نكمل بعد ما اتنهد قال عالطول :

انني في غاية الحيرة "شبشب مثقف حبتين"
وحيث انني في وضع لا احسد عليه فقد .........

فجأة إنطلق صوت إنثوى صارخا كالمدفع:
انت حتعملي فيها سيبويه حيرة ايه يابتاع انت

رفع ابوصباع وجهه الامامى عاليا مشرئبا كدة يعنى و بطرف بوزه قال :

سيادتك بتكلميني انا؟؟ياجزمة يابنت الجزمة

علا الصوت الانثوى اكثر حتى صم آذان الشباشب و الجزم التى فى الغرفة "دة على اساس ان الشباشب ليها ودان يعنى عدوها عدوها "

جززززززززززمة

اييييييييييوةة قوليلى انك صندل بقى و انا مش واخد بالى ....جزمة طبعا هتتبرى من اصلك الجزماوى ولا اييييييييه؟؟

انخفض صوت الجزمة بعد ان ذكرها بأصلها ...ثم قالت
انا بس بقول يوميات ايه اللى عايز تكتبها اذا كان انا جزمة وجزمة قديمة كمان و ماكتبتش مذكرات يبقى انت هتكتب..

ضحك ابو كبسونة فى خبث ثم قال :بطريقة عادل إمام
هى هى هى هى دى غيرة بقى




هووووووووووس هدوء شوية عشان هركز دلوقتى...

نخش على ايام الطفولة وايه دراك بأيام الطفولة دي كانت حلوة بشكككككككككل

ايه دنيا كانت ايام , لما كان الواحد لسه عيل في جلد امه مدفي واخر امان لاحد يرميه تحت الدولاب ولا يتلقح في الحمامات ويشم البرفنات

ولا تحدفنا الأمهات على القفايات , الله لا يرجعها ايام كانت ايام مايعلم بيها الا ربنا.


هو ايه الي جاب السيرة دي احنا لسه في ذكريات التفولة

زمان لما كنا في المصنع انا واصحابي الشباشب قبل ما نطلع على وش الأرض كده ونبقى ملطشة للرياح والي جاي كان الوضع اخر حلاوة .

هو اي نعم كان في دق مسامير وخبط على الدماغ لما الواحد طلع له كالو بس مش مهم

اهوكله يهووووون طالما هي ايد واحده حنينة تدقدق علينا والراجل الي كان بيعمل كده اهو برضه في مقام الأب الروحي

وكل يوم عن يوم تلاقي شبشب جديد يتولد قدامك اشي طبيعي على صناعي , على مش عارف ايه سبحان الله فعلا أشكال و ألوان

انما الطبيعي ده كان مغرور قوي كان قاعد كده ومتقنزح

على ايه مش عارف ماهو برضه بياخد على قفاه زينا وبيتمرمط بردوا بس يمكن الفرق ان الرجلين اللى بتتحط فيه نضيفة شوية و ريحتها مقبولة عن اللى بتتحط فينا .

ماعلينا خليني في نفسي , هو صحيح انا كنت بعيط من الشاكوش الي كان بينزل على دماغي بس كل ما افتكر

اقووووول يااااااه ده انا كنت فعلا عيل ومش عارف مصلحتي

صوت الشاكوش في ودني دلوقتي عامل زي موسيقى تصويرية موسيقى جمييييييلة في فيلم رعب


اايييييييييه دنياااااااااااا يارتني ارجع عيل تاني وافضل في المصنع الجميل ولا حتى يرجعوني لجلد امي اهو كان ارحم من رجلين ابنى آدمين.

يلا مافيش حاجة ترجع لورا تاني كله بيمشي لقدام وده نصيبك حتعمل ايه يعني ؟؟؟؟؟

فكرتوني بحاجة مهمة قوي عايزة اقولها قبل ما البلدوزر الي نايم ده مايقرر يخش بيت الراحة وياخدني معاه جته الهم

كان في شبشبايه صغننه كده بفيونكة حلوة قوي ولونها بمبى مسخسخ كدة كنا متفقين علىالجواز لمانكبر بس ياالف خسارة فضلت عليا شبشب من مصنع تاني الخاينة

ولما سألتها ايه الحجة ده انا بحبك قوي وداخل البيت من بابه وحدفعلك مهر عمرك ماتحلمي بيه

قالت لأ مش العبارة بس اصلي ووشها احمر كده

رحت انا فاهم العبارة وقلت لها بتحبيه يامقروضه انت /wik


هي اي نعم حطمت روحي الجلديه بس اكمني شبشب جدع كده كررت وانا لما اكرر بنفذ"ماحدش ياخد على اخطاؤه اللغوية دة بردوا شبشب كتر خيره "اني اقف جمبها في يوم زي ده حاكم انا شهم واعجبكم قووووووي

فرحت معاها المصنع التاني عشان التعارف يعني مش لازم اطمئن على اختي

المهم وانا رايح معاها اشوف ايه الواد الشبشب الي عايز ضرب الصرم

صرم ايه بس ماهو صرمه اصلا بس طلع ابن ستين شوووووووووز , سابها وراح خد واحده تانية قال ايه هو بقى يتعرض فى الفترينات و مش اى فترينات ,فترينات فى وسط البلد و زجاجية و فيها لنض كمان لوونض من بتاعة بلاد برة دى وهي مش قد المقام

باصتلها بصة تأنيب و عتاب المحبين و قلتلها :
مش قلت لك انا اولي بيكي

وجت تعتذرلي وتجر ناعم وانا ولا هنا ولايهمني كرامتي

ااااايييييي نعممممممم انا شبشب بس كرامتي ما تهونش عليا ابداااااااا

يييييييييييييييييه البلدوزر صحي حان وقت العقاب اليومي


فين الشبشب ابو صباع يا بهيييييييييييييجة...

يولول الشبشب قائلا:غطونى و صوووووتوا البهيم اللى لابسنى صحى عن إذنكوووووووووووووا يا دماعة ادعووووووووولى