ازيكم يا حلوين ...

بصو بقى كتير مننا بيحتاج حد يقول له رايه فى الشخص المتقدم له

طيب انا دلوقتى عملت لكم موضوع حبيت اقول فيه مواصفات الشخص اللى ممكن نقبله

الشخص دا اتقدم لى مثلا:

يبقى لازم اقعد معاه شويه كدا وسط اهلى

ولو لقيت فى المواصفات دى

يبقى ممكن تقبله "خطيب" بس لحد الجواز :

1-تحسى انه محبوب وانك ممكن تحبيه لما تتجوزو

طب دى هاتحسيها امتى

لما تلاقيه :

طيب

وحبوب

وبيهزر مع اى حد

محترم


كل دى حاجات ممكن تدل على انكم ممكن ربنا يالف بين قلوبكم وتحبو بعض "بعد الجواز"

=====================

2-لازم مايكونش كداب

طب دى هاتعرفيها منين

لما تلاقيه

بيتكلم بسرعه من غير تفكير

وبيغلط فى الكلام

يبعنى بيقول الكلمه غلط

دا دليل على انه مافكرش فى الكلام

او تالقيه بيدور على كلمة فى وسط الكلام


هاتعرفى انه مافكرشى فى كلامه كتير

==========================

3-مايكونش بخيل

دى هاتعرفيها من

كلامه

ومن التبس

ومن شرايته للحاجات

ومن هداياه


==================

4-شخصيته من شخصيتك

يعنى تحسى انه بيفهم زيك كدا

نظرته لمعظم الحاجات زيك

بيفهم

وبيتكلم معاكى زى ما انتى بتتكلمى معاه


=====================

5-هادى نسبيا او بيتحكم فى اعصابه

هاتعرفيها لما يتعصب من حد وهو بعيد عنك

يعنى مايكونش قاعد ادامك


=====================

طب ايه الصفات اللى لما الاقيها افكر كويس قبل ما اقبله :

1-يكون متسرع

2-عصبى اوى

3-بيتكلم عن الجواز اوى يعنى "طبيخ مش عارفه ايه،وغسيل ايه"

4-نسوانجى"يعنى بيتكلم مع البنات كدا وبتسبيل وبتاع"

5-حبيب مامته

6-بيكره الاطفال ودوشتهم

7-حكيم ومتعلم


=========================================

طيب انتى دلوقتى قبلتيه وبقيتى خطيبته :

لازم تاخدى بالك من حاجات كدا

اولا :

ازاى ممكن يربى اطفالك

عنده علم بعلم النفس


ثانيا: معاملته مع اهله

ثالثا: اهله نفسهم شكلهم ايه!!

رابعا: علاقته باهله

ودى تحسبيها بشكلين

1-لو اهله كويسين وعلاقته بيهم قويه

يبقى دا كويس

2-لو اهله وحشين وعلاقته بيهم قويه

يبقى دا مش كويس

والعكس...

ساعتها هاتختارى

خامسا: نظرته لاهلك

سادسا: نظرته ليكى انتى

سابعا:نظرته لهدومك وطريقه لبسك وستايلك

تامنا: نظرته لمفهوم الخطوبه

تاسعا: نظرته لمفهوم الجواز

عاشرا:نظرته لتفكيرك

============================

ايه الحاجات اللى ممكن يعملها الخطيب اللى لازم تسيبيه فى ساعتها :

1-تلاقيه مش عاجبه لبسك.. وبيحاول يغيره

2-مش عاجبه طريقه تفكيرك ... وواثق انه هايغيرك

3-مش عاجبه اهلك .... وهايبعدك عنهم

4-يفرض رايه عليكى ... حتى لو غلط

من الاخر عايز يعدلك

==================================

طيب

لو حاجه من دول موجوده مع بقيت المميزات

او لو اتقدم لى واحد"مخلط"

اعمل ايه؟؟

=========

دى اصعب حاجه

لانك هنا انتى بتفكرى

على حسب انتى ممكن تستحملى ايه "باقى حياتك"

تستحملى اللى بيعند معاكى

او اللى مش ناوى يربى العيال ومعتمد عليكى

او .. او .. او ... الخ ...

================================

الموضوع دا مش منقول

انا اللى قعدت اكتبه والله

اتمنى انه يعجبكم

انا نفسى فى تثبيته فى الركن دا