ازيكم يا جماعه

انا النهاردا بكتب لكم الموضوع دا وانا مرتاحه نفسيا جدا جدا

اسم الموضوع :لا اله الا الله ... وبس

الصعب فى الموضوع هو ان احنا محتاجين نحس شويه الكلمة دى

وانا على قد ما هاقدر هاكتب بالطريقه اللى توصل ليكم الموضوع ويخليكم تحسو بيه

الموضوع ممكن يطول معايا

الحلو فى الموضوع انه من غير فواصل اعلانيه

من غير موسيقى تصويريه

لان عقلكم مش محتاج موسيقى هاديه تحسسكو بالموضوع

يلا بينا نخش فى الموضوع

=======================================

انتو عارفين يا جماعه كلمة لا اله الا الله دى احنا بنقولها من غير ما نفهم معاناها

او بنقولها بسهوله كدا

احنا مش بنحرك فيها بؤنا

تعالو نفهمها

والله هانحب ربنا اوى منها

كلمة لا اله الا الله

كلمة سهله

تلات حروف"لــ ، ا، ه، "وبس

ياااااه سهله اوى كدا ؟؟؟

اه سهله

طب ايه رايكم بقى نفهمها

لا اله الا الله

انطق معايا كلمة اله

اله

ياااااه

دى معاناها كبير اوى

معاناها انه انا عبد

يعنى ايه

يعنى هو خلقنى

الله

الله خلقنى

انا عبد ليه ..

تعالو بقى نعرف مين ربنا

احنا فى موضوعنا دا هانعرف اسماء وصفات لربنا

ربنا رحيم

طب يعنى ايه رحيم

يعنى احن علينا من حنية الام لابنها

"يااااه يا ربنا انت طيب اوى "

عمرنا حسيناها

طب تيجى نحسها

ربنا ادانا كل حاجه ممكن تعيشنا

ربنا بيقول فى حديث قدسى :

يابن ادم خلقتك للعباده فلاتلعب وقسمت لك الرزق فلاتتعب فان انت رضيت بما قسمته لك ارحت قلبك وبدنك وكنت عندي محمودا وان لم ترضى بماقسمته لك فو عزتي وجلالي لأسلطن عليك الدنيا تركض فيها ركض الوحوش البريه ولن تاخذ الا ماقسمته لك وكنت عندي مذموما او كما جاء من النبي صلي الله عليه وسلم

تعالو ناخد اول جزء من الحديث دا ونحسه

اقراه كلمة "فلا تتعب" تخيل ربنا بيقولك فلا تتعب

اه بيقول لك انت

طب اقرا كلمة "ارحت قلبك وبدنك"

تخيل الهك بيقول لك ارضى وانا اريح قلبك وجسمك

يااااه حسيتوها ؟؟

حسيتو كلمة اله

عرفت يعنى كلمة اله

اد ايه ربنا عظيم

يااه هو العظيم ذو العزة

طب اقرا الحديث دا كمان

" يا داود لو يعلم المدبرون عن شوقي لعودتهم ورغبتي في توبتهم لذابــو شوقا إلي
يا داود هذه رغبتى فى المدبرين عنى فكيف محبتى فى المقبلين علي
!!"

عينيك دمعت ولا لسه ؟؟

والله انا مش قادرة اكمل

انا بكتب دلوقتى وانا مش قادرة اصدق معاكم

اد ايه ربنا بيحبنا

ربنا عايز يشوفنا حتى لو احنا مدبرين عنه "فكيف محبتى فى المقبلين علي"

ها اقول ايه ؟؟

طب اسمع الحديث دا كمان

"إني لأجدني أستحى من عبدي يرفع إلي يديه يقول يارب يارب فأردهما
فتقول الملائكة إلى هنا إنه ليس أهلا لتغفر له
فأقول ولكنى أهل التقوى وأهل المغفرة أشهدكم إنى قد غفرت لعبدى
"

مش كفايه بقى

يا الله

لا اله الا انت

انت ربى وانا عبدك

اللهم انى اشهد ان لا اله الا الله وان محمد رسولك وحبيك صلى الله عليه وعلى اله وسلم

اكمل

طب شوف اللى بعده

"إنه إذا رفع العبد يديه للسماء وهو عاصي فيقول يارب
فتحجب الملائكة صوته فيكررها يارب فتحجب الملائكة صوته فيكررها يارب فتحجب الملائكة صوته
فيكررها فى الرابعة فيقول الله عز وجل الى متى تحجبون صوت عبدى عنى؟؟؟
لبيك عبدى لبيك عبدى لبيك عبدى لبيك عبدى
"

لا اله الا الله يارب انا بجد حاسه ان احنا مانستاهلش حبك دا كله وحنيتك دى كلها علينا

ها يا جماعه عرفتو يعنى ايه رحيم

لسه لسه كملو قرايه الحديث دا بقى

"ابن آدم خلقتك بيدى وربيتك بنعمتى وأنت تخالفنى وتعصانى
فإذا رجعت الى تبت عليك فمن أين تجد إلها مثلي وأنا الغفور الرحيم
"

والله يا الله ما لى اله سواك

بالله عليكم يا جماعه

اللى يقرا الحديث دا يشهد انه لا اله الا الله

حديث جميل اوى

تحس انه ربنا بيكلمك

ما هو اساسا بيكلمك

شوف دا بقى

هاتعرف فيه يعنى ايه بجد ربنا ويعنى ايه رحيم

"عبدى أخرجتك من العدم الى الوجود وجعلت لك السمع والبصر والعقل
عبدى أسترك ولا تخشانى، اذكرك وأنت تنسانى، أستحى منك وانت لا تستحى منى.
من أعظم منى جودا ومن ذا الذى يقرع بابي فلم أفتح له
ومن ذا الذى يسألنى ولم أعطيه. أبخيل أنا فيبخل على عبدى؟
"

والله انا وانا بقراها دلوقتى بقول اشهد انه لا اله الا الله

بجد حديث جميل جدا جدا

ياه يا رب اد ايه انت قريب مننا

اد ايه انت بتحبنا

اغفر لى ولكل اللى بيقرو الموضوع واللى على المنتدى النجعاوى واللى على النت من المسلمين والمسلمات

اغفرلنا يا الله اغفر لنا

سامحنا

لسه ماحستش دا كله

والله يا جماعه قلبكو هايحن ولو على اخر كلمة فى موضوعى

لازم قلبكو يحن ويرق لربنا العظيم

طب اقرو دا

"جاء أعرابى الى رسول الله فقال له يارسول الله " من يحاسب الخلق يوم القيامة؟
" فقال الرسول "الله" فقال الأعرابى: بنفسه؟؟
فقال النبى: بنفسه
فضحك الأعرابى وقال: اللهم لك الحمد.
فقال النبى: لم الابتسام يا أعرابى؟
فقال: يا رسول الله إن الكريم إذا قدر عفى إذا حاسب سامح قال النبى: فقه الأعرابى".


فعلا النبى شهد له بانه فقه وفهم

فعلا ربنا لما بيحاسب بيسامح

اد كدا الناس زمان كانو حاسين انه ربنا غفور وعايزينه يحاسبهم

فعلا

اللهم لك الحمد والشكر

طيب لسه عايز احاديث

لسه اقرا معاايا

"يا أبن أدم , إنك ما دعوتنى و رجوتنى غفرت لك على ما كان فيك .
و لو أتيتنى بملء الأرض خطايا أتيتك بملء الأرض مغفرة مالم تشرك بى شيئاً ,
و لو بلغت ذنوبك عنان السماء ثم استغفرتنى , غفرت لك
"

بلييييز يا جماعه ارجوكم اللى يقرا الحديث د ا يقولى عايز ايه تانى

عايز مين تانى غير ربنا

لسه برضه

هانكمل مع بعض

"إذا مات ولد العبد يقول الله للملائكه : قبضتم ولد عبدى ؟
فيقولون نعم فيقول : قبضتم ثمرة فؤادة ؟
فيقولون نعم فيقول : ماذا قال عبدى ؟
فيقولون : حمدك و استرجع , فيقول الله لعبدى بيتاً فى الجنه و سموه بيت الحمد
"

لا تعليق

"ينزل الله سبحانه و تعالى كل ليله تنزيلا يليق بجلاله إلى السماء الدنيا فيقول : من يدعونى فأستجيب له , من يسألنى فأعطية ؟ من يستغفرنى فأغفر له ؟"

يااااه يا جماعه ربنا الهنا بنزل لنا واحنا على الاقل مش بندعيه

اقرا كدا معايا كلمة "كل ليله" يعنى مش بيفوت ليله

بينزل ارضنا

ومستنى حد يدعيه

ربنا

الله

اظن عقلكو مش مستنى منى تعليق اكتر من كدا

==============================

"يقول إبليس اللعين لرب العالمين عز و جل و عزتك و جلالك لأغوينهم أجمعين فيقول الله تعالى له و عزتى و جلالى لأغفرن لهم ماداموا يستغفروننى"

الله على الرد الجميل يا الله

والله انى اشهد انك الهى وانى عبدك

لا اله الا انت

دلوقتى عرفتو معايا يعنى ايه لا اله الا انت

==========================

ربنا غفور ورحيم وربنا دا الهنا

يا رب كل واحد يقرا الموضوع دا تغفر له

كل واحد يقرا الموضوع دا قلبه يرق ويرجع لك

يارب نزل على كل اللى على المنتدى دا حبك ورضاك

يا الله


=================

حسو الحديث دا

(أذنب عبد ذنبا فقال اللهم اغفر لي ذنبي،
فقال تبارك وتعالى: أذنب عبدي ذنبا فعلم أن له ربا يغفر الذنب ويأخذ بالذنب،
ثم عاد فأذنب فقال: أي رب اغفر لي ذنبي، فقال تبارك وتعالى: عبدي أذنب ذنبا فعلم أن له ربا يغفر الذنب ويأخذ بالذنب،
ثم عاد فأذنب فقال: أي رب اغفر لي ذنبي،
فقال تبارك وتعالى أذنب عبدي ذنبا فعلم أن له ربا يغفر الذنب ويأخذ بالذنب اعمل ما شئت فقد غفرت لك
)

==============

والله يا جماعه دا اللى يقرا الاحاديث دى يتكسف من نفسه

والله عيب علينا

ازاى يبقى ربنا الله الرحيم الغفور ونعمل خطا من غير مانستغفر

والله انا شايفه انه ماينفعش ابدا عيب علينا يا مسلمين

فينكم يا مسلمين

بقى ربنا كدا واحنا ناسيينه

افتكر رحمته افتكر اد ايه هو رحيم وطيب ومش بينسى حد

على فكرة

لو عملت غلط ولو غلط كبير

ارفع ايدك لربنا وادعيه وقلبك صافى

هايغفر لك على طول

ازاى ؟؟

لانه ربنا الهى والهك بيستحى يرد دعائك

والله مالناش حجه بقى

وبعدين تعالى هنا

قول لا اله الا الله

قولها

بصوت اعلى

لا اله الا الله

دلوقتى ربنا ذكرك مع ملايكته

تخيل سهولة الموقف اد ايه

لا اله الا الله

ربنا ذكرنا كلنا كدا

الله

دا انا مش هاكفى كلمة لا اله الا الله دى

===========================

طب ايه فضل لا اله الا الله

دى احاديث مش محتاجه تعليقات منى

يخرج من النار من قال لا إله إلا الله وفي قلبه وزن شعيرة من خير
ويخرج من النار من قال لا إله إلا الله وفي قلبه وزن برة من خير
ويخرج من النار من قال لا إله إلا الله وفي قلبه وزن ذرة من خير


===================

بجد احنا معدناش حجه

قولها بقى يمكن تنفعك يوم القيامه

انا واثقه انها هاتنفعك

قول لا اله الا الله كل ما تقرا حديث يعجبك

بالله عليك قولها

===================

قال رسول الله صلى الله عليه وسلم (( فإن الله قد حرم على النار من قال لا إله إلا الله يبتغي بذلك وجه الله ) ) البخاري

لا اله الا الله

قولها بقى

حسها حس يعنى ايه لا اله الا الله

عن أبي هريرة رضي الله عنه أن رسول الله صلى الله عليه وسلم قال (( من قال لا إله إلا الله وحده لا شريك له له الملك وله الحمد وهو على كل شيء قدير في يوم مائة مرة كانت له عدل عشر رقاب وكتبت له مائة حسنة ومحيت عنه مائة سيئة وكانت له حرزا من الشيطان يومه ذلك حتى يمسي ولم يأت أحد بأفضل مما جاء به إلا أحد عمل أكثر من ذلك ) )* البخاري

والله الحديث دا جميل اوى

هى لا اله الا الله عظيمة اوى كدا

ايه رايك فيها

كلمة صغيرة اوى

ومافهش غير تلات حروف

بس ايه

اقوى منها مافيش

===================

عن أبي ذر رضي الله عنه قال أتيت النبي صلى الله عليه وسلم وعليه ثوب أبيض وهو نائم ثم أتيته وقد استيقظ فقال (( ما من عبد قال لا إله إلا الله ثم مات على ذلك إلا دخل الجنة قلت وإن زنى وإن سرق قال وإن زنى وإن سرق قلت وإن زنى وإن سرق قال وإن زنى وإن سرق قلت وإن زنى وإن سرق قال وإن زنى وإن سرق على رغم أنف أبي ذر وكان أبو ذر إذا حدث بهذا قال وإن رغم أنف أبي ذر ) ) قال أبو عبد الله هذا عند الموت أو قبله إذا تاب وندم وقال لا إله إلا الله غفر له * البخاري

وان زنى وان سرق

يعنى ايه

من غير حساب !!!

فعلا

رغم انف ابى ذر

هه والله انا دلوقتى حبيت ربنا اوى

حسيت باللى ماحستهوش قبل كدا بيه

===============

من دخل السوق فقال لا إله إلا الله وحده لا شريك له له الملك وله الحمد يحيي ويميت وهو حي لا يموت بيده الخير وهو على كل شيء قدير كتب الله له ألف ألف حسنة ومحا عنه ألف ألف سيئة ورفع له ألف ألف درجة

دى بقى جميله اوى

تخيل لو كل يوم اتكتبلك مليون حسنه واترفعت مليون درجة وتشال من عليك مليون سيئه

لا اله الا الله

============

"عن أبي إسحق عن الأغر أبي مسلم قال أشهد على أبي سعيد وأبي هريرة أنهما شهدا على النبي صلى الله عليه وسلم أنه قال (( من قال لا إله إلا الله والله أكبر صدقه ربه فقال لا إله إلا أنا وأنا أكبر وإذا قال لا إله إلا الله وحده قال يقول الله لا إله إلا أنا وحدي وإذا قال لا إله إلا الله وحده لا شريك له قال الله لا إله إلا أنا وحدي لا شريك لي وإذا قال لا إله إلا الله له الملك وله الحمد قال الله لا إله إلا أنا لي الملك ولي الحمد وإذا قال لا إله إلا الله ولا حول ولا قوة إلا بالله قال لا إله إلا أنا ولا حول ولا قوة إلا بي وكان يقول من قالها في مرضه ثم مات لم تطعمه النار "

حتى وهو عيان وبيموت

ربنا بيغفر له

==============

ايه رايكم

ايه رايكم فى رحمة الله واللى ماكناش حاسين بيها ابدا

ماحسيناش لغايه دلوقتى!!!

=============

الموضوع دا ان تعبت فيه اوى

لانى كنت عماله ادو على الاحدايث دى

وان شاء الله هاعمل موضوع تانى

هيتكلم عن غضب الله والعياذ بالله

انا نفسى الموضوع يعجبكم

وانا تحت امركم فى اى حاجه ان شاء الله