بسم الله الرحمن الرحيم
[size=12pt]السلام عليكم ورحمه الله وبركاته
[/size]


بعد مسلمنا الحوار مبني علي واحد بيتكلم بدماغ الاعلام والحكومه وواحد بيرد عليه من التاريخ والمنطق والاسلام

الحوار بين عباس و علي

علي/شوفت ياعباس اللي بيحصل اليومين دول ده الغاز يصدروه لاسرائيل باقل من سعر التكلفه ده حتي المتر مش جايب الدولار وهوه سعره اللي بيتباع بيه10 دولار

عباس/ياعم واحني ملنا وبعدين هوه انته هتفهم اكتر من الحكومه ده احني بنضحك علي الصهاينه ولاد الكلب

علي /ياعم انته معندكش مخ بقولك دولار من عشره تقولي بنضحك عليهم

عباس/ طب وهوه ضارك في ايه

علي/يعني ايه ضاررني في ايه هوه مش ده حقك وديه بلدك والحكومه ديه المفروض تاخد رايك

عباس / انته يبني انته تقلت طبق الفول النهارده ولا ايه ده انته مضيع بقه الحكومه تاخد رايهامني انا

علي/ ليه هوه انته مش من الشعب طبقعا والغاز ده مش حق الشعب يبقي تاخد راي مين

عباس/ ياعم روح علي الطلاق انته تقلت في الفول

علي/ علي العموم اهه الحكم في القضيه قرب

وبعد فتره




علي/ عباس ازيك عامل ايه انته رايح فين كده

عباس/ رايح الاستاد ده الاهلي عيلعب النهارده

علي /يبني انته ده القضيه اتحكم فيها

عباس/ قضيه كفانا الله شر القواضي ياعم قضيه ايه

علي/ قضيه الغاز

عباس/ ليه هوه مدخلكوش لحد دلوقتي ولا المسوره اتكسرت رفعتوا علي الشركه قضيه طب ليه كنتوا اتصلتوا بالصيانه

علي/ ياربي انته مين اصلا وانا ايه اللي مخليني اصاحبك يبني القضيه اللي رفعنها عشان نمنع الغاز من اسرائيل

عباس/ لاوالله طيب وايه اللي حصل

علي/الحمد لله كسبناها بس الغاز لسه بيصدروه

عباس/ طيب يافالح مش قلتلك ولا اصرت يافالح يبني ديه الحكووووووووووومه فاهم يعني ايه الحكووووومه

علي/ ايوه عارف اللي مسكنلنا عصيان وطبنجات ومتشطرين علينا صح وطول محني في مظاهره نزلنلنا بعربيات ومورهمش غيرنا وسايبين
الحرميه والنصابين وبتوع المخدرات

عباس/ ياعم وانا مالي بيك والله شكلك هتوضينا في داهيه انته من النهارده مليش دعوه بيك الواد حشيشه قالي انك انته متراقب
ياعم ابعد عني ده احني اخوات برده انته عاوز توديني في داهيه ده الحيطان ليها ودان

علي/ ياعم حطان ايه وشبابيك ايه انته مش حاسس باللي في ادنيا

عباس / ايه اللي في الدنيا مهه حلوه اهه والجو ربيع والحياه ماشيه زي السكينه في الحلاوه

علي/ ياعم سكينه ايه وحلاوه ايه شكلك اتسجنت قبل كده يبني اخوتنا بيتموت وانته لسه مهيش كده انته مبتشوفش اخبار ده عدد الشهداء300والجرحا500
عباس/ اهه يبقوا800

علي / وانا جايبك حصه رياضه

عباس/ وبعدين مين اخوتنا دول اصلا هيهه امي مخلفه غيرنا انا وحسني وبرعي وفؤاد

علي/ والله يبني انته لو اليهود جم واحتلونا هتروح تلعب بلياردو

عباس/ طب وفيها ايه هوه عم احمد هيكون قافل سعتها

علي/ ياربي يبني يبني بص اولا انته عارف يعني ايه اقص

عباس/ ليه فكرني جاهل ولا ايه ده اولي القبلتين وثالث الحرمين

علي / وعارف ولا بيهمك يعني مفيش بينك وبينه اي احساس انته مش مسلم يبني وريني بطاقتك يلا

عباس/ اهدي اهدي هوه احني هنسافر ولا ايه

علي/ نسافر؟؟؟؟؟؟؟

عباس/ امال بقه ايه الدوخه ديه مش عاوز البطاقه هتعمل بيها ايه ولا تكنش هتكشف عليا والله انا سليم يبني

علي/ بقولك ايه بص حتي القهوه مشغله الجزير تعالا نشوف ايه الاخبار

قناه الجزير

علي لسان الرئيس/ اولا انا مش عاوز نعيش في الاحلام خلينا واقعين اهم شئ انتوا عايشين في سلام اولا صح ولا لا صح بصوا انا عاوزكوا تاخدوا الموضوع بالعقل اللي بيقولوا افتحوا المعابر وندخل وبتاع عاوزين يروحوا فين هيقولولي فلسطين ايوه فلسطين بس ديه ارض محتله والمحتل هوه اللي بيفرض شروطه وبعدين هما حقهم من حق اسرائيل تشوف ايه داخل وايه طالع مش ممكن يكون سلاح مش ممكن تكون ممنوعات حجات وبعدين احني قدرنا بالتنسيق مع الجانب الاسرائيلي اننا نحط كميرات تصور يعني عشان يبقوا شايفين ونبعد شويه عشان بس حته الروح والاحساس يعني ده حقهم


انتظروا التكلمله هكتبها واجيبها يلا يا نجعاويه عاوز رايكم