ازيكوا يامعلمين
عاملين ايه
كله بخير
طيب
أتغديتوا ياولاد
طيب الحمد لله
الجعان يقول
وانا ولا اعرفه والله
طيب اتعشيتوا
طيب ألف هنا الحمد لله عقبال ماشوفكم دكاتره كده

متخافوش عليا من العنوان انا لسه متجوزتش اصلا بس اول ماتجوز
اوعدكم لو طلقتها هقولكم على طول

ام هند

كان ياما كان
ايه ياعم حماده انت هتحكلنا حدوت الشاطر حسن
طيب بالراحه ياخونا أصلى نفسى اتجوز وأخلف عيال حلوين كده واحكلهم حوداديت
بس العيال اللى هيقرفنى هلسعه على قفا أمه على طول
(عيالى بقى وانا حر فيهم)

نخش فى الموضوع


وانا قاعد بتغدى كده والحاجه بتحضرلى الاكل وباكل
سمعت الراجل جارنا بيزعق مع مراته
والظاهر الواطى كان بيضربها ...المهم روحت قايم من على الاكل وأخدت الواد سحس بوند المساعد بتاعى وروحت اشوف فيه ايه
لقيته بيقولها ياواطيه كل يوم اخواتك هنا
انتوا عيلللللله تييييييييت ألغى ياسحس الشتيمه
وهى ترد تقوله انت عاملى البيت خرابه أصحابك وتسهروووووووواااااااا
المهم انا استنتجنت من الموضوع ان الاتنين اوطى من بعض
روحت واخد سحس ومتكلين على الله

بعد اسبوع أتضحلى انهم هيطلقوا
المشكله بقى هنا
هما فى داهيه هو واطى وهى واطيه اصلا المشكله ان معاهم طفل جميل اوى لسه صغير
عنده حوالى 7 سنين
ايه ذنب الطفل ده
فى كل المشاكل اللى بتحصل والطلاق ده ليه
وليه الزوج والزوجه ميكنوش مرتحين وعايشين كويسين فى امان الله عشان يربوا ولادهم
وليه الزوج والزوجه بيعاملوا بعض كده بالطريقه دى عمتا
حالات الطلاق كترت اوى فى مصر .... طيب ليه
ده بيكون سوء أختيار من الاول مثلا


أيه رأيكم فى الموضوع ده وايه سبب الطلاق وكتر حالاته كده .؟



دومتم بود

كان معكم من كوبري العليش شمال النجع طوالي
هاني _ والمفتش كرومبو _وسحس بوند

لو قولتلى الراجل طلقها ليه هتكسب ربع كيلو جبنه تلاجه