ستروسل كيك التمر و السيريال








لطبقة الستروسل

  • ½ كوب او 60 جرام دقيق
  • ¼ كوب او 55 جرام سكر بنى
  • ¼معلقة صغيرة قرفة
  • رشة ملح
  • 4 معالق مائدة او 55 جرام زبدة مقطعة مربعات
مقادير الكيكة

  • 1 1/2 كوب تمر مقطع و منزوع النوى
  • عصير برتقالة و ياريت بشر البرتقالة كمان
  • 2 معلقة مائدة عصير ليمون
  • 2 معلقة مائدة عسل نحل
  • رشة ملح
  • 1 كوب دقيق
  • ½ كوب دقيق اسمر كامل الحبة
  • ¼ كوب سكر بنى
  • 1 ½ معلقة صغيرة قرفة
  • 1 ¼معلقة صغيرة بيكربونات الصوديون (بيكربوناتو)
  • ½ معلقة صغيرة ملح
  • 1 كوب لبن رايب فى حرارة الغرفة
  • 1/3 كوب زيت نباتىl
  • ¼ كوب عسل نحل
  • 2 بيضة فى حرارة الغرفة
  • 1 ظرف فانيليا
  • 100 جرام سيريال (كورن فليكس و ياريت بطعم العسل)
  • 1/2 كوب عين جمل محمص و مجروش خشن

الطريقة

طبقة الستروسل
امزجى المكونات بصوابعك لغاية ماتعمل مزيج خشن و محبحب و فيه كتل و حطيه مغطى فى التلاجة لغاية ماتخلصى الكيكة


الكيكة
سخنى الفرن ل 180 و ادهنى صينيتك و افردى فيها ورق زبدة
حطى الآتى على النار
التمر المقطع
عصير البرتقال و بشره
اضيفى 1/2 كوب ماء
عصير الليمون
العسل
الملح
و سيبيهم على النار ياخدوا و يدوا مع بعض مع التقليب لمدة 15 دقيقة لغاية ماتحصلى على قوام اشبه بالمربى
حطيهم فى بولة و دخليهم التلاجة يهدوا شوية

فى بولة امزجى

الدقيق و الدقيق الأسمر
و القرفة و الملح و السكر البنى
و بيكربونات الصوديوم
بعد ما مزيج البلح يبرد
اضيفى ليه البيض و اللبن الرايب و الفانليا و الزيت النباتى و العسل و قلبى
ثم اضيفيهم للمكونات الجافة
امزجيهم حلو و بعد كده ضيفى العين جمل (الجوز) و السيريال
صبى الخليط فى الصينية المدهونة
انثرى عليها طبقة الستروسل اللى كانت فى الثلاجة
و تخبز فى الفرن لمدة 45 الى 50 دقيقة
تبرد على رف سلك قبل التقديم