كيكة الذرة بالعسل و الجبنة الريكوتا




الكيكة دى ذات اصل ايطالى
و ممكن بعد خبزها و تبريدها تفرز بالفريز لمدة شهرين
و تكون اشهى فى اليوم التالى لخبزها

المكونات

6 تينات مجففات مقطعة صغير و منقوعة فى ماء دافىء ثم مصفاة
1 كوب دقيق ذرة
1/2 كوب دقيق متعدد الإستعمالات
1 معلقة صغيرة بيكينج باودر
1 كوب جبن ريكوتا مصفاة من الماء
بشر ليمونة
2/3 كوب عسل
1/2 كوب زبدة سايحة (انا بستبدلها بزيت نباتى عشان كده اخف)
2 بيضة
1/3 كوب ماء

الطريقة

سخنى الفرن و ادهنى صينية تارت ذات قاع متحرك و جهزيها
امزجى دقيق الذرة و الدقيق العادى و البيكينج باودر و الملح مع بعض
افركى فى بولة اخرى السكر مع يشر الليمون
اخفقى الريكوتا مع الماء على سرعة منخفضة لغاية ماتبقى لينة و اضيفى السكر و العسل مع الخفق
اضيفى الزبدة السايحة مع الخفق ثم البيض
عند تمام التجانس قللى سرعة الخفق و اضيفى المكونات الجافة
صبى نصف الخليط فى الصينية
انثرى التين المقطع فى كامل الصينية
صبى باقى الخليط
اخبزيها من 40 الى 45 دقيقة او لغاية ما تعملى اختبار السكين و تخرج السكين نظيفة من الكيكة

سيبيها تبرد 5 دقائق و بعدين افصلى قاع الصينية عن الجسم
و قدمى


.