انا هاحكى على موقف حصلى :]
موقف ايه قصدى عدة مواقف
اليوم ده كان غريب قوى شوفوا بقى ايه اللى حصل
انا عندى واحده صحبتى تخينه اوى
اتصلت بيا قالتلى يلا نروح مول حلو اوى علشان نشترى حاجات
قولتلها ماشى وروحنا ده طبعا بعد ماقعدت اتحايل على ماما سنه ونص علشان اخد العربيه
قبل ماندخل قعدنا على سور قدام المول وانا كنت لابسه جيبه بيضه وكنت عامله زى الملايكه قعدت على السور
بس للاسف :to2to2:
كان كله ميه والجيبه من ورا اتبهدلت وقومت ومبقيتش عارفه اعمل ايه
وشوفو بقاالناس متعرفش ان فى ميه على السور وفاكرين انى جايبه الميه من عندى
وياعينى على الضحك اللى الناس قعدت تضحكوا عليا
ضحكوا لحد ما عيطوا
المهم قولتلها تعالى نروح العربيه بسرعه
وامشى ورايا غطى الفضيحه دى المهم لفيت وشى وقولتلها قربى شويه علشان الجيبه كده باينه
فقربت
ولفيت دماغى ولسه بقولها ايوا كده
وعينك ماتشوف الا النور
اتكعبلت فى حجر وقعت على وشى :to2to2:
بس مش دى المصيبه
المصيبه انها وقعت فوقى

وبردو الناس قعدو يضحكوا علينا لحد ما عيطوا
قولتلها حراام بجد اللى بيحصل
المهم قومت وهى الجيبه مبلوله والناس بردو ضحكوا عليا
وبقيت مهزئه للكبير والصغير والطويل والقصير
وروحت بسرعه على العربيه وركبت
ومشينا
بس مش دى النهايه لسه
وانا سايقه قعدنا نضحك على اللى حصل وبنتناقش :] :]
فجاه لقيتها بتقولى حاسبى حاسبى
بصيت وياريتنى ما بصيت ايام ماكنت ببص
لقيت نفسى بخبط فى عربيه من ورا
والمصيبه انها واحده ست
وانتوا عارفين لما الستات عربيتها تتخبط بيحصل ايه
نزلت صاحبتى بدل وقعدت تشتمها بدل ما اقولها انا انا اسفه
وهى تشتم والت تشتمنى نفس الشتيمه ستين مره
ده غير انها اتريقت على الجيبه وفضحتنى
وقالتلى مش مكسوفه من اللى انتى عاملاه كده وانتى كبيره
بس لسه الشتايم مخلصتش لانى لما روحت البيت وماما عرفت اللى حصل للعربيه
اخدت تهزيئ جامد
وياريتنى ما خرجت
بالليل بقى جالى تليفون بيقولى انا لله وانا اليه راجعون
بنت عمتك ماتت
وبعد يوم كله ضحك وهزار وتهزيئ :]
قلب بنكد وحزن وعكننه
ده كان السنه اللى فاتت :to2to2: :to2to2:
بالزمه لو مكانى هاتعملو ايه؟؟
معلش طولت