اخوانى ..و اخواتى ،،

طبعا الكل عارف موضوع الشجره اللى قالب الدنيا فى مصر و بره مصر..

و للى مايعرفش..

فى اول طريق مصر الاسماعيليه الصحراوى...بالقرب من منطقة موقف ميكروباص المتجه الى مدينة العاشر من

رمضان..بجانب سريه للشرطه العسكريه..

اكتشفوا شجره مكتوب عليها...لفظ الجلاله..واسم سيدنا محمد عليه الصلاة و السلام..

انا الطريق ده رايح جاى عليه بقالى اكتر من عش سنوات...

المهم قالوا لما الشجره دى كبرت ...طلع مكان التفريعه الجديده الكلام ده...

انا معنديش مانع...احنا عارفين ان ايات ربنا كتيييييييييييير جدا..مش مستنى الشجره

يكفى اننا نبص للسما ..هنلاقى معجوة المعجزات...نبص فى انفسنا..هنلاقى مصانع شغاله ليل و نهار..


فصلت (آية:53): سنريهم اياتنا في الافاق وفي انفسهم حتى يتبين لهم انه الحق اولم يكف بربك انه على كل شيء شهيد


]انا جبتلكم الصور عشان يبقى الموضوع حصرى..وعشان تشفوها..وبرده عشان متعملوش زحمه اكتر من الموجوده

ومانعه الناس من المرور....

اللهم لا حول ولا قوة الا بالله

انا كل اللى معترض عليه...ان شجره؟؟؟؟؟ صدفه غريبه...

اصل فى برده شجرة مريم ناحية المطريه...المهم...مش هى دى القضيه

انا كل خوفى اننا لازم نفوق ..ومنجريش ورا اوهام...لان انا ابتديت اسمع..حكاوى

مكن بعد كام شهر نسمع:-

دى فلانة الفلانيه قعدت عشرين سنه متخلفش..راحت للشجره بتاعة الموقف ..تانى يوم حملت على طول

اصلها شجره سرها باتع...

ربنا يستر...وياريت كلنا ننبه بعض

احنا مش محتاجين شجره عشان نقول ايات ربنا اكتر مما نستوعب

لصور




منقول من منتدى المصريه