الرئيس مبارك يحيى المواطنين خلال زيارته للمجمع التجارى
في خطوة تعكس اهتمامه بهموم الناس‏,‏ والاطمئنان علي حالة الأسواق‏,‏ فاجأ الرئيس حسني مبارك الجماهير أمس بزيارة كارفور المعادي‏,‏ وقد استقبلته بالتصفيق والتهليل والدعاء له وتهنئته بالعيد‏..‏ ورد التحية عليهم وتجول فيما بينهم‏.‏




واستفسر الرئيس من مسئولي المجمع عن حركة البيع والشراء‏,‏ وأنواع السلع ومدي توافرها بأسعار مناسبة للمواطنين‏.‏


وصرح المهندس رشيد محمد رشيد وزير التجارة والصناعة بأن الرئيس تفقد نموذجا فعليا لأحد المجمعات التجارية التي تم تطويرها بأساليب حديثة‏,‏ وطالب بنشر هذه المراكز في جميع المحافظات‏,‏ لزيادة البضائع المتاحة للعرض أمام المستهلكين‏,‏ وزيادة المنافسة لمصلحتهم وبما يؤدي إلي خفض الأسعار‏.‏




الريس نزل المعادى

علشان يشوف السلع الإستهلاكية متوفره ولا لأ

أسعارها أيه ؟؟

يعنى مناسبة للجمهور ولا فيها غلاء ؟؟



خلينا نشوف بس حاجه

ناس مين اللى أنت نازل تطمن عليهم

الناس بتوع المعادى اللى هو يعتبر حى قاهرى راقى

وأسعار أيه اللى أنت بتطمن عليها ؟؟

إنت فى هايبر ماركت يعنى مكان فيه كل حاجه بكل الأسعار

عندهم أكتر من 20 نوع جبنة بمختلف الأسعار

مافيش مواطن بسيط هينزل كارفور علشان يجيب ربع كيلو جبنة للعشاء ولا للسحور هو وعياله

ولا هيجيب ب جنية فول

ولا ب جنية ونص طعمية

ولا 10 أرغفه عيش بلدى

ولا طرشى

علشان ينسوا طعم الفول والطعميه

إنت نازل تطمن على ناس بتاكل لحمه بدل الفول

وناس بتفطر كرواسون بدل العيش البلدى اللى هو أصلاً مايتاكل منه حاجه

ناس بتروح السوبر ماركت ده بالعربيات

فى حين إن الناس بتقف فى الطابور بالـ 4 ساعات

علشان ياخدوا ب جنية عيش هيرموا نصه أصلاً لإنه لايصلح للإستهلاك الآدامى


لو أنت عايز تطمن على حال الشعب فعلاً

كنت نزلت ماركت برضه

بس مصر والسودان

شوفت الناس بجد

وبياكلوا أيه بجد

وبيتعاملوا مع بعض إزاى بجد

يعنى بدل ماكنت تعمل زياره مفاجأه لكارفور

كنت نزلت الأحياء التانية

الأقل شوية

وفاجأتهم برضه

وفاجأت أفران العيش

ومحلات البقاله

ومحلات الكشرى والفول والطعمية

وشفت الزحمة اللى عليهم


الموضوع ده منقول على فكره (انا براءه)